2006-10-13 07:09 PM
RIRIKY
〔轉〕１２星座邊個會攪姊弟戀
白羊座
白羊座會唔會攪姊弟戀全部都係取決於對象，男的白羊對住個善解人意的大姐姐唔會搶佢風頭成熟穩重當然冇問題；而白羊女搵到個有型有款又可以畀到佢覺得自己響主導地位的弟弟時，佢亦都會一Ｄ都唔介意！
金牛座
無論係金牛座仔又或者金牛座女，基本上佢都唔係咁接受到細個佢的對象，點解？咪就係因為傳統囉！你叫佢同小龍女或者楊過攪姊弟戀喎，佢實唔制，反而你叫佢同郭襄攪忘年戀佢仲接受得到喎！
雙子座
基本上響雙子男同雙子女心目中，攪姊弟戀並唔係咁關道德呀、世俗眼光呀甚至乎係會唔會有代溝冇將來，佢只會考慮成件事有冇趣味，又或者過唔過癮，對雙子座來講，姊弟戀只係一生總要有一次的戀愛經驗而已！
巨蟹座
大部分巨蟹座都會接受，原因係：男蟹民搵到個大姐姐拍拖可以滿足到佢Ｄ戀母情意結，另外加上年紀比佢大的女性成熟穩重令佢更加有安全感！至於女蟹民會接受亦都係關係到佢的母愛泛濫囉！
獅子座
咁多個星座之中，獅子座的立場會係最講唔定，事關接唔接受真係好睇個別獅子座人身邊人的意見、當時環境的影響又或者係發生響個咩對象身上，因為獅子座享受戀愛之餘亦都幾介意外人講的意見嘛！
處女座
處女座對姊弟戀係會分階段：佢年輕時會非常接受，因為佢會好享受談戀愛時所獲得的喜悅，同大年紀過自己又或者細年紀過自己的都係個經驗嘛！到佢大個的時候，佢的戀愛就要同現實掛鉤，到時佢就唔肯姊弟戀！
天秤座
天秤座貴為戀愛動物，對於姊弟戀當然一Ｄ都唔介意啦！不過呢句說話只係針對佢本身，如果一旦佢的姊弟戀出現旁人指指點點，佢就會開始覺得介懷不知如何是好，慢慢就會萌生退出姊弟戀的念頭。
天蠍座
對於天蠍座不分男女來講，攪唔攪姊弟戀真係好睇對象係邊個，就算佢把口點講話唔接受，但係一旦真係畀個大姐姐或者小弟弟電親中晒毒，就算佢之前講得幾口硬有幾鐵石心腸，結果都係敵唔過個戀愛之心！
人馬座
呢位反叛青年絕對唔歧視姊弟戀，而且仲好鍾意與眾不同的戀愛感覺添！不過咪開心住，人馬座係最善變的星座，仲有係佢表面上好似冇乜所謂，但其實不知幾需要人家的照顧，所以姊弟戀對佢未必真係咁適合！
山羊座
唔駛講，不論山羊仔定山羊女都係一個傳統到不特了的星座，所以原則上佢對姊弟戀係抱有抗拒的諗法，傳統的姊弟戀絕對唔係佢杯茶，除非果個大姐姐或者小弟弟真係好幫得到佢響人生目標上的發展啦！
水瓶座
無錯！響12星座之中最講接受姊弟戀的一定係佢－水瓶座！無論係男定係女，都唔覺得姊弟戀有咩問題，根本上響佢本戀愛字典入面，完全冇標明姊弟戀係不平凡，想攪姊弟戀？請搵水瓶座啦！
雙魚座
咪以為雙魚座戇下戇下以為佢會唔介意攪姊弟戀，其實不分魚仔定魚女佢都唔多鍾意攪姊弟戀，因為佢潛藏住現實主義嘛！怕煩！除非係戀上先至知道對方細過佢啦！咁就冇辦法囉！
2006-10-13 07:16 PM
巴黎之冬
雙魚座
咪以為雙魚座戇下戇下以為佢會唔介意攪姊弟戀，其實不分魚仔定魚女佢都唔多鍾意攪姊弟戀，因為佢潛藏住現實主義嘛！怕煩！除非係戀上先至知道對方細過佢啦！咁就冇辦法囉！
又幾準喎,十卜十卜
2006-10-13 07:18 PM
ying327
白羊座
白羊座會唔會攪姊弟戀全部都係取決於對象，男的白羊對住個善解人意的大姐姐唔會搶佢風頭成熟穩重當然冇問題；而白羊女搵到個有型有款又可以畀到佢覺得自己響主導地位的弟弟時，佢亦都會一Ｄ都唔介意！
都準既.....唔係好介意...最好梗係唔好大佢好多啦...
2006-10-13 07:19 PM
灰;
巨蟹座
大部分巨蟹座都會接受，原因係：男蟹民搵到個大姐姐拍拖可以滿足到佢Ｄ戀母情意結，另外加上年紀比佢大的女性成熟穩重令佢更加有安全感！至於女蟹民會接受亦都係關係到佢的母愛泛濫囉！
我先唔會-0-
2006-10-15 01:17 AM
香芷心
天蠍座
對於天蠍座不分男女來講，攪唔攪姊弟戀真係好睇對象係邊個，就算佢把口點講話唔接受，但係一旦真係畀個大姐姐或者小弟弟電親中晒毒，就算佢之前講得幾口硬有幾鐵石心腸，結果都係敵唔過個戀愛之心！
咁啊
2006-10-15 10:37 AM
5知啊
水瓶座
無錯！響12星座之中最講接受姊弟戀的一定係佢－水瓶座！無論係男定係女，都唔覺得姊弟戀有咩問題，根本上響佢本戀愛字典入面，完全冇標明姊弟戀係不平凡，想攪姊弟戀？請搵水瓶座啦！
中呀!!我覺得愛情系冇分年齡嫁..所以姊弟戀冇乜姐我覺得!!
2006-10-16 05:36 PM
Ｃarpi.
雙子座
基本上響雙子男同雙子女心目中，攪姊弟戀並唔係咁關道德呀、世俗眼光呀甚至乎係會唔會有代溝冇將來，佢只會考慮成件事有冇趣味，又或者過唔過癮，對雙子座來講，姊弟戀只係一生總要有一次的戀愛經驗而已！
真係喎..
不過我事非必要都唔會有..