壞孩子也懂愛...足版(完)"轉"一次過

第一章

９月１號啦．．係我返中學既第一日．．
（屋企．．）
卡妹（我阿媽）：ｘｘ瑩！返學啦！仲訓係度！
我就超無奈咁俾卡妹一腳踢醒左．．跟住食埋早餐．．我就返學啦．．我去到學校．．我超緊張．．之後我就到左５樓既１Ｄ班．．我一行入去．．感覺到完全無奈．．ｄ男仔唔知點解好快咁熟晒．．ｄ女仔就完全保持沈默．．咁我梗係坐左係女仔果邊啦．．坐坐下．．有個男仔入左黎．．佢個頭整到好掂．．個樣都幾正架．．佢一入到黎．．ｄ女仔個個都望住佢．．佢望左我一眼就行左去男仔果度．．之後有個老師入左黎．．
嚴ｓｉｒ：大家好．我係你地既班主任．我姓嚴．你地叫我嚴ｓｉｒ啦。
ｄ男仔冇理到嚴ｓｉｒ．．得ｄ女仔叫左佢一聲"嚴ｓｉｒ"
嚴ｓｉｒ：我想你地續個出黎自我介紹一下呀．．男仔開始啦．．
好多男仔都出晒去啦．．到左最受女仔注視果個啦．．但係佢一出到去．．冇講野．．
嚴ｓｉｒ：依位同學做咩唔講野呀．．？
男仔：我唔想做埋ｄ咁樣衰既野囉∼
嚴ｓｉｒ：你．．你叫咩名呀！？
男仔：你有點名簿架ｍａ．．自己睇啦．．
嚴ｓｉｒ：你．．你．．
嚴ｓｉｒ最終都係睇左點名簿．．
嚴ｓｉｒ：樂ｘ濠！
阿濠：做乜X響我全朵呀！！
嚴ｓｉｒ：你．．我會遲ｄ先處理．．好啦．．到女仔啦．．
ｄ女仔出晒去．．到我出去．．我覺得好低Ｂ呀．．自我介紹．．玩咩．．所以我都冇出聲．．
嚴ｓｉｒ：你又做咩唔講野呀．．？你係唔係同佢一黨架．．？
我：唔係呀．．嚴ｓｉｒ．．你要我地自我介紹．．都係想我地加深對同學既了解ｊａ．．依ｄ要慢慢黎架．．
嚴ｓｉｒ：見你講到咁有道理．．好啦．．唔洗你自我介紹啦．．但係都要自己講個名俾大家知架．．
我：ｘｘ瑩．．
我好快咁講完我個名就返埋位啦．．
（小息．．）
我自己無無聊聊咁坐左係班房．．冇神神果個阿濠同一大班唔係我地班既男仔走左埋黎．．
阿濠：喂．．
我：咩呀．．
阿濠：你叫咩名呀．．？
我：頭先我咪講左囉．．你聽唔到咩．．＝．＝”
阿濠："口靚"妹．．串我牙．．？
我：冇呀．．
阿濠：仲話冇．．
我：冇．．
阿濠就咁行左去．．之後有幾個我地班既女仔行左埋黎．．
阿婷：我叫阿婷呀．．
阿瑩：哦．．做咩呀．．？
阿婷：你同佢好熟架．．？
阿瑩：唔係．．係佢自己走埋黎架．．
阿婷：你就好啦．．
之後既日子．．依個阿婷同另外幾個女仔都成日痴左我．．因為以為我同阿濠好熟．．但係其實耐左．．我同阿濠又真係幾熟．．好奇怪呀．．係班房．．科學堂．．視藝堂．．我都係同阿濠坐埋一齊．．所以日子一日一既過去．．唔只令我同阿濠好熟．．我仲得到一個係中學裡面既第一個老死．．佢叫阿晴．．下一章我就開始講下學期架啦．．下學期發生既事好多好多．．所以開始會有ｄ激動ｄ既情節．．記住睇呀！

[[i] 本帖最後由 星襲 於 2007-1-23 05:27 PM 編輯 [/i]]

睇呀睇呀~
快d再post  la~sup  u  ar

[quote]原帖由 [i]愛老公的牙慈[/i] 於 2007-1-23 03:44 PM 發表
睇呀睇呀~
快d再post  la~sup  u  ar [/quote]
謝謝呀~~
因為之前見到有post過,但就冇足版,而我又搵到哂全部,咁冇理由唔益埋你地的,所以post 埋出來啦~

第二章

下學期岩岩開始．．我就同個阿ｓｉｒ嘈啦．．
（普通話堂．．）
梁ｓｉｒ：今日我地要改好晒ｄ作業呀．．
咁我咪改囉．．改完我咪交俾佢囉．．
我：阿ｓｉｒ．．改好啦．．
梁ｓｉｒ：喂！仲有一題呀！留返俾我改牙．．！？你阿媽生你生黎係唔係攞黎激我架！
我果陣已經好唔ｌｉｋｅ囉．．改少左一題炸ｍａ．．不過．．我又廢事同佢嘈啦．．攪大件事就唔好啦．．
梁ｓｉｒ：返埋位做啦！！
點知佢攞我本作業掉去垃圾桶度．．因為我唔係好忍得架炸．．所以．．
我：阿ｓｉｒ．．本野係垃圾桶．．改唔到喎．．
梁ｓｉｒ：自己去執啦。
我：又唔係我掉．．做咩要我執呀．．
梁ｓｉｒ：我叫你去執呀！我都唔知點解你咁唔聽話架！你都咁啦．．你阿媽肯定影響市容呀！正一有爺生冇"哪"教呀！
我好憎人話我屋企人架．．仲要話我阿媽ｔｉｍ．．
我：妖！你話乜我阿媽呀！
梁ｓｉｒ：你妖．．你講依個字已經可以記你缺點架啦！你仲妖阿ｓｉｒ！
我：係你話我阿媽先架！依家邊個唔岩呀！
梁ｓｉｒ：我同你講呀！你同我嘈好大獲架！
我：咁又點呀．．依家又唔係我做錯野．．”
梁ｓｉｒ：你即刻同我上去圖書館停課！
我：仲好啦．．唔洗對住你呀！
我就上左去圖書館．．上左去就坐左係度．．我見到前面有個男仔趴左係張"木台"度．．佢有張紙跌左去我度．．佢唔知．．我就幫佢執返．．跟住．．
我：喂喂．．
可能佢訓著左聽唔到．．
我：喂喂．．
佢都冇理．．
我：喂喂喂．．
佢拎轉身．．
佢：乜野呀！阻住晒！
我：你跌左張紙呀．．
佢：哦．．ｓｏｒ牙．．以為你又係果ｄ．．呀．．冇野啦．．唔該．．
我：頭先你以為我係咩呀．．？
佢：下．．以為你地果ｄ女仔．．
我：哦．．果ｄ成日痴住晒果ｄ牙．．？
佢：嗯．．
我：放心啦．．我唔係喎．．
佢笑左一笑．．佢果一笑．．好殺食架．．＞ｖ＜”但係係依個時候．．冇神神．．
「你地兩個傾飽未呀！？」
有個ｍｉｓｓ過左黎．．
佢：我地冇傾計喎．．
ｍｉｓｓ：我親眼見住你地傾架！傾左成半個鐘都有啦！唔好以為我睇唔到呀！
跟住我同佢竟然一齊講．．
我．佢：我（佢）上左黎都冇半個鐘！唔好玩啦！
我同佢即係望住大家係度笑．．
ｍｉｓｓ：你識佢架？（問我）
我：下．．唔算識既．．又算係識ｂｏ．．我都唔知點講好．．
ｍｉｓｓ：即係識啦！你讀ｆ１炸！點解會識埋佢依ｄ咁既人架！
我：下．．咩人牙．．
ｍｉｓｓ：佢俾人記左幾個小過架啦！果次佢打老師呀！我地俾面佢老竇先唔踢佢出校炸！
佢：喂！你同佢講咁撚多我ｄ野做乜柒呀！？
ｍｉｓｓ：你．．你又爆粗鬧老師！你今個月第幾次呀！你地兩個攞手冊出黎！我要你地一人一個缺點呀！
佢：唔得喎．．關佢咩事呀！
ｍｉｓｓ：你唔好以為次次你老竇次次都可以幫到你呀！
佢：就係呀！
佢無神神拉左我走．．”
（６樓走廊．．）
我：喂．．就咁走左去．．得唔得架．．？
佢：得架啦．．我老竇會幫我攪掂架啦．．
我：其實你老竇係咩人呀．．？”
佢：我老竇係依家學校起果陣．．我老竇捐左ｄ錢出黎．．學校先起得成．．所以佢地咪唔踢我走囉．．
我：你老竇捐左幾多錢呀．．？”
佢：唔係好多．．”三百萬ｊａ．．
我：下．．咁都仲話唔多牙．．？””
佢：ｏｋ啦．．”喂．．你叫咩名呀．．？
我：我牙．．叫．．ｘｘ瑩呀．．平時ｄ人叫我阿瑩架．．你呢．．？
佢：我．．我叫．．阿希．．
我：哦．．阿希．．好好聽呀．．
阿希：有幾呀．．好難聽呀．．唔好講名啦．．你讀咩班架．．？我同你落去啦．．
我：１Ｄ呀．．
跟住阿希同我去到５樓樓梯．．
阿希：咁．．我走啦．．
我：嗯．．ｂｉｂｉ．．
阿希就咁走左．．
（小息．．）
因為我擅自係圖書館走返班房．．所以小息果個阿ｓｉｒ又黎搵我啦．．佢真係好鬼煩呀．．
梁ｓｉｒ：ｘｘ瑩！你做咩擅自返黎呀！？
我：下．．我唔知要你批准先落得黎喎．．（扮晒野）
梁ｓｉｒ：你會唔知！你．．你依ｄ壞學生唔死都冇用架啦！我真係想一巴打死你呀！
我：咩唔洗都冇用呀！好驚呀！阿ｓｉｒ話要打死我呀∼
全班係度和應我．．
全班：嘩∼阿ｓｉｒ恐嚇學生呀！
梁ｓｉｒ：你地同我收聲呀！
阿ｓｉｒ好大力咁推左我一下．．佢推到我跌落地．．佢可能以為我會冇事啦．．但係其實我成隻手都流緊血．．因為我跌果陣撞到"木台"角．．阿濠走左埋黎．．
阿濠：有冇事呀．．？
我：冇．．冇既．．
阿濠無神神去推阿ｓｉｒ．．
阿濠：你打佢！你問過我未呀！你未撚死過牙！？
梁ｓｉｒ：你推老師仲用粗口鬧老師！你想俾人踢出校呀！
阿濠：有你依ｄ咁既老師係度！我寧願唔讀呀！
阿濠行埋去我度．．跟住用手摸下我塊面．．我即刻成個人硬晒呀．．佢無神神咁．．嚇死我呀．．
阿濠：我同你去醫療室呀．．好唔好呀．．？
我：下．．唔洗啦．．冇乜野呀都．．
阿晴：我同阿瑩去啦．．阿濠你唔好去啦．．
梁ｓｉｒ：當我冇到架！？
阿濠：係呀！咁又點呀！
梁ｓｉｒ：你地全班一齊恐嚇老師呀！我一定會投訴你地架！
全班：驚你牙！
兩日之後依件事轟動全校．．個阿ｓｉｒ俾學校炒魷．．我地果班俾人訓導左幾日．．係依幾日．．１Ｄ班好紅．．亦係依個時候．．
（某日．．ｌｕｎｃｈｔｉｍｅ．．）
「喂．．ｘｘ瑩．．依排你果班好紅喎∼」
我一拎轉身就見到．．

第四章

我一拎轉身就見到阿希．．
我：下．．件事連ｆ４都知牙．．
阿希：唔係呀．．係全校都知呀．．
我：得啦．．唔好提啦．．我唔係咁想再提果個人呀．．
阿希：你地果班俾人訓導牙．．？
我：係呀．．唉．．成日叫我唔好咁衝動．．好煩呀．．
阿希：哦．．你好似俾個阿ｓｉｒ攪到你隻手．．
阿希冇講落去就捉住我隻手黎睇．．
我：哎．．好痛呀．．
阿希：ｓｏｒ呀．．仲有冇事呀．．？
我：冇啦．．但係有ｄ痕係度．．好核突呀．．＞＜””
阿希：係囉．．咁核突．．冇人要呀．．
我：就算我冇依ｄ痕斬係咁樣衰架啦！不嬲我都冇人要架啦！
阿希：咁又係．．如果真係冇人要你．．脆脆地．．我要你啦∼
我：我唔洗你要．．
因為阿希班ｆｄ崔佢．．佢就返左去佢班ｆｄ度．．我仲見到好多女仔圍佢同佢班ｆｄ．．好老實咁講．．佢同佢班又真係幾令仔既．．
（訓導堂．．）
ｍｉｓｓ　ｃｈａｎ：今日你地有幾位ｆ４既師兄肯跟我黎做模範"乖"學生俾你地睇．．佢地幾個都有俾人記過野．．佢地幾個係學校已經出晒名架啦．．你地幾個入黎啦．．
果幾個模範"乖"學生一入黎．．我嚇窒左．．係阿希同埋佢果３個ｆｄ．．仲有呀．．我果班ｄ女仔都掛住望佢地．．都冇理到ｍｉｓｓ　ｃｈａｎ講乜．．
ｍｉｓｓ　ｃｈａｎ：１Ｄ班．．點呀．．？你地係唔係想好似佢地咁呀．．校服不整．．連企係度炸．．就已經好似要佢地死咁啦．．我唔想你地好似佢地咁呀．．
阿濠：唔係呀∼好似佢地咁先型呀！
佢地幾個一直冇出聲．．剩係成日周圍望．．點知阿希一望到我．．佢竟然．．
阿希：喂．．ｘｘ瑩！
我即刻呆左．．唔知點算．．
ｍｉｓｓ　ｃｈａｎ：阿瑩．．點解你會識佢地架．．？
我：下．．因為．．
阿希：關你乜事呀．．ｍｉｓｓ　ｃｈａｎ．．我同佢好ｆｄ架．．唔得咩．．我又唔會對佢做乜既．．
ｍｉｓｓ　ｃｈａｎ：阿瑩．．你識佢地唔緊要呀．．唔好跟佢地學壞呀．．知唔知呀．．？
阿希：ｍｉｓｓ　ｃｈａｎ　ｃｈａｎ．．我地好乖架．．
阿晴：ｍｉｓｓ　ｃｈａｎ．．佢地幾個叫咩名呀．．？
ｍｉｓｓ　ｃｈａｎ：係喎．．唔記得左介紹佢地ｔｉｍ．．依個最多口既就叫ｘｘ希．．最高依個叫ｘｘ傑．．最令他依個叫ｘｘ樂．．仲有依個個樣最乖．．實質唔係既呢．．叫ｘｘ卓．．
阿希行左去我隔離．．
阿希：喂．．
我：咩呀．．
阿希：我有ｄ野送俾你呀．．
我：咩呀．．？
------------------------------------------*
第五章

阿希攞左一條鎖匙出黎．．
我：做咩俾條鎖匙我呀．．？
阿希：我要送俾你既野．．就係一個有鎖既地方．．自己搵啦．．
我：下．．咁多野都有鎖．．點搵呀．．？
阿希：自己搵啦．．一定搵到既．．
跟住阿希．阿傑．阿樂．阿卓同ｍｉｓｓ　ｃｈａｎ講左一句「走啦．．」．．佢地就走左啦．．
ｍｉｓｓ　ｃｈａｎ：阿瑩．．你同ｘｘ希好熟架．．？
我：唔係呀．．
阿濠：唔洗唔認啦．．一定同佢有ｄ不尋常既關係．．
我：冇呀．．！
阿濠：如果唔係佢做咩冇端端送野俾你呀．．？
我：我點知呀！發咩癲呀！冇神神話我同人有野！
阿濠：係呀！我不嬲都癲癲地架啦！你第一日識我牙！
我：妖！唔同嗌呀！
阿濠：同你講野講得多都口臭呀！
我：又講乜呀！又搵交嗌呀！
ｍｉｓｓ　ｃｈａｎ：你地係唔係當我冇到呀．．成個老師係度．．你地兩隻野都可以嗌交嗌到咁架喎！我同你地兩隻野講呀！你地唔係第一次咁架啦．．成日上堂嗌交！你地兩隻野呀！罰企呀！我真係唔明你地做咩要嗌交．．嗌完之後唔洗一堂．．又ｆｄ返．．你地兩隻野以後唔好再係咁啦！
我．阿濠：鬼同佢ｆｄ呀！
（放學．．）
阿晴：我陪你搵好唔好．．？
阿瑩：好呀．．
我地兩個搵左學校好多地方都搵唔到．．我地兩個都已經好攰．．攰到坐左係地下．．點知阿濠同阿輝行過黎．．
阿濠：點呀．．好攰呢．．買左野俾你地呀．．
阿瑩：ｔｈｘ　ｔｈｘ呀．．
阿晴：ｍｉｓｓ　ｃｈａｎ話得你地兩個岩架．．你地成日嗌交．．嗌完又ｆｄ返．．咁嗌黎做咩呀．．？
阿輝：咪係囉．．咁無聊架你地．．
阿瑩．阿濠：鬼同佢ｆｄ呀．．
跟住我同阿濠係度傻笑．．
阿濠：喂．．傻婆．．你有冇搵過果個人個"ｌｏｋ　ｃａ"呀．．？
我：下．．冇呀．．
阿濠：唉．．我都估到你係咁蠢架啦．．行啦．．
我：去邊呀．．？
阿濠：佢個\"ｌｏｋ　ｃａ"呀．．
我地行左去阿希個"ｌｏｋ　ｃａ"．．我一開就開到．．我見到有個桔仔公仔．．仲有張紙寫住："你架．．搵左幾耐呀．．？肯定好耐啦．．你咁蠢．．係唔係想知我做咩送野俾你呀．．？你返到屋企就會知架啦．．"我睇完．．我地４個就返屋企啦．．因為我同阿濠係同一條路既．．所以佢送到我返屋企樓下先走．．
（屋企．．６：３０）
卡妹：做咩今日咁遲呀．．？
我：下．．搵野囉．．
卡妹：嘩．．做咩帶舊咁既野返黎呀．．？咁樣衰既．．”
我：桔仔黎架．．樣衰．．”你就樣衰．．”
卡妹：你個死女包呀．．博我嘴你就最叻．．沖涼食飯啦．．話阿媽樣衰．．咁你咪仲樣衰．．
跟住我就冇理卡妹去左沖涼啦．．沖完涼食飯．．食飽左．．我就攬住桔仔同立味（我老豆）攤係梳發睇電視．．卡妹就執碗．．睇睇下電視．．我手提響．．我就衝左入房聽電話．．
（電話中．．）
我：喂．．喂．．邊個呀．．？（因為冇來電．．唔知係邊個）
佢：我呀．．ｘｘ希呀．．

因為真是有好多章呀....so 你地有回應,我就馬上post啦~

佢AR媽個名叫卡妹??

XD

POST吧

第六章

（電話中．．）
我：下．．你點解會有我電話既．．？
阿希：一個人既電話有幾難搵ｊａ．．
我：係喎．．做咩要送桔仔俾我呀．．？
阿希：你理得我ｊａ．．
我：係你自己係張紙度寫話如果想知你做咩送野俾我．．我返屋企就知既．．
阿希：我依家唔想講喎．．
我：車．．好叻咩．．唔講咪唔好講囉．．
阿希：喂．．聽日星期６喎．．得唔得閒呀．．？
我：做咩呀．．？
阿希：想叫你出去呀．．
我：下．．同邊個呀．．？
阿希：我同埋我ｄ　ｆｄ囉．．
我：下．．我都唔識你ｄ　ｆｄ．．我驚我出到去．．你食左我ｂｏ．．”
阿希：係食都唔食你啦．．你可以叫埋你ｄ　ｆｄ去架ｍａ．．
我：唔．．我搵到人陪我先算啦．．一陣我搵完人打俾你啦．．
阿希：你知道我電話咩．．？
我：唔知囉．．
阿希：咁我洗唔洗話你知呀．．？”
我：如果你唔想我去既話．．你可以唔俾既．．
跟住．．阿希就死死地氣俾左個電話我啦．．之後我打左俾我個最好既老友．．雖然我唔同一間中學．．但係仲係咁ｆｄ既阿ｗｉｎｇ．．
（電話中．．）
我：喂喂．．ｗｉｎｇ姐．．聽日得唔得閒．．？
阿ｗｉｎｇ：得既．．做咩呀．．？瑩瑩姐．．
我：唔玩啦．．我學校有個ｆ４既男仔叫我聽日出去．．叫我叫埋ｄ　ｆｄ喎．．咁我梗係第一個諗係你啦．．
阿ｗｉｎｇ：你有咁好死咩．．”
我：咩呀．．咩意思呀．．
阿ｗｉｎｇ：冇．．冇．．去．．你叫到．．我邊敢唔去呀．．
之後我就打返俾阿希．．
（電話中．．）
我：喂．．
阿希：點呀．．？去唔去呀．．？
我：去呀．．但係去邊呀．．？
阿希：既．．去海洋．．（未講完）
我：公園．．？
阿希：係呀．．有問題咩．．？
我：我同我個ｆｄ今個月既零用錢用晒啦．．
阿希：我有叫過你地俾咩．．？叫得你地出去．．梗係我地請架啦！
我：哦哦．．咁牙．．幾點係邊度等呀．．？
阿希：聽日１：００係ｏｋ等啦．．”
我：哦．．好啦好啦．．咁聽日見啦．．
我就咁同佢收左線ｌｕ．．
（第二日．．１：１５．．ｏｋ門口．．）
我：乜佢地咁耐架．．
阿ｗｉｎｇ：佢地全部都係ｆ４架．．？
我：係掛．．冇問佢呀．．
阿ｗｉｎｇ：喂喂．．係唔係果班人呀．．？
我一拎轉身一望．．就見到阿希．阿傑．阿卓．阿樂．．仲有一大班男仔同女仔．． 　
第七章

阿希：喂．．
我：你都好搭馬喎．．”
有個女仔（佢地ｄ　ｆｄ）行埋黎我度．．
女仔：喂．．你係阿希邊個呀．．？
我：下．．既．．師妹囉．．
阿希：行啦．．仲講．．你個阿琳成日攪女．．
阿琳：收啦你．．你攪炸．．
跟住我同阿ｗｉｎｇ就跟係佢地班人後面．．阿希可能留意到我地兩個好無３啦．．佢就走左埋黎．．
阿希：喂．．好悶牙．．？
我：ｏｋ無聊咁啦．．
阿ｗｉｎｇ：我仲以為我地黎做跟班架炸．．
阿希：兩位令女．．洗唔洗咁呀．．ｓｏｒ囉．．
阿卓：你地３個做咩呀．．？過黎啦．．
阿樂：白痴架．．彈晒去後面．．過黎啦．．
（海洋公園．．）
阿琳：喂．．玩咩好呀．．？
阿玲（其一女仔）：玩．．海盜船呀．．
眾人：好呀．．
阿樂：喂喂．．驚唔驚呀．．？驚就係度等我地啦．．
我：唔驚喎．．我同阿ｗｉｎｇ之前黎過幾次．．次次都玩兩．三次既．．我驚你驚炸．．
玩海盜船．．唔知點解我會同左阿樂坐囉．．阿ｗｉｎｇ就坐係我前面．．阿樂玩緊果陣超驚．．係咁大叫．．我就係咁大笑．．玩完之後．．
我：哈．．唔知邊個話唔驚．．但係係船度係咁大叫．．叫到眼淚水都差ｄ出埋黎呢．．？
阿樂：我．．我配合下個氣氛炸．．
我：你話咩咪咩囉．．
阿ｗｉｎｇ：唔知呢．．我係前面．．個耳模差ｄ俾人震爆呀．．唔知我後面果個係邊個呢．．？
阿樂：你地兩個夠啦．．好啦．．我地下一個玩咩好呀．．？
阿玲：不如玩鬼屋呀．．
阿卓：你個變態玲．．你次次都要玩既．．人地玩就叫．．你就笑．．變態架．．
阿琳：喂．．咁阿傑你玩唔玩呀．．？上次同你黎玩．．攪到你同你條女（未講完）
阿傑：講乜撚呀！八婆琳！收皮啦！
果陣我覺得阿傑佢個人好惡．．因為佢又同我冇講過野．．剩係同佢ｄ　ｆｄ傾計．．
阿卓：唔好激氣啦．．我地入去玩啦．．
阿傑：我唔去啦．．我係度等你地啦．．
阿希：咁算啦．．你係度等我地啦．．
阿傑自己坐左係度．．其他人都入去啦．．
我：阿ｗｉｎｇ．．你同佢地入去先啦．．我去廁所呀．．（因為阿琳同阿玲好好人．．同我地已經ｏｋ熟）
其他人入晒去．．我就坐左係阿傑隔離．．佢冇理我．．坐左一．兩個字．．
我：喂．．
阿傑冇出聲．．
我：其實唔開心既野．．你可以試下忘記ｊａ．．一日唔得．．咪兩日囉．．直到你忘到為止囉．．
阿傑：關你乜撚事呀！收嗲啦！
果陣其實我都驚架．．但係我唔想我身邊既任何一個人唔開心呀．．
我：我．．我知我唔應該咁多事既．．但係．．我唔想我身邊任何一個人唔開心．．我想我身邊既人都係笑架．．
阿傑：小．．咁關我撚事咩！
我：你同你前女友有過唔開心既事．．你記得咁清楚．．點解你唔諗下你同佢開心過果ｄ喎．．
今次阿傑冇講野．．
我：你同佢一定有開心既野．．諗起唔開心ｄ野．．咪搵ｄ開心野黎諗囉．．我之前都係咁架．．我咁蠢都得啦．．我知你得既．．
阿傑冇講野．．剩係望住我．．佢無神神．． 　
第八章

阿傑無神神攬住我．．我成個呆左．．驚到郁唔到．．
阿傑：我同佢開心既野．．我真係諗唔到．．同佢一齊咁耐．．我攬住佢既時候．．係我覺得最幸福既時候．．但係次次唔夠幾秒．．佢一定會推開我．．我俾佢推開既時候．．個心都好似俾佢整碎咁．．但係我次次都唔會放棄佢．．我會等．．等有一日．．佢唔會推開我．．可能佢一直都唔想同我一齊啦．．上次黎玩鬼屋．．佢話我俾唔到安全感．．借左依個籍口同我分手．．我果陣就知道．．佢推開我．．係因為唔鐘意我．．
我聽完之後．．忍唔住流左幾滴眼淚出黎．．本來我俾佢攬住．．我好驚．．有ｄ想推開佢架．．但係我聽完佢講既依番說話．．我就好安心咁俾佢攬住我．．但係．．我同佢都唔記得左阿希佢地係會玩完架．．阿希佢地一出到黎．．見到阿傑攬住我．．佢地個個都ｏ晒嘴．．
阿玲：喂．．阿傑乜同佢一齊既咩．．？
我同阿傑見到佢地出晒黎．．即刻縮開．．
阿傑：下．．唔係呀．．
阿琳：又會唔係既．．唔係又攬！？
我：唔係呀．．我頭先同佢傾計．．傾返佢同佢以前女朋友ｄ野炸．．
佢地成班人問黎問去．．但係阿希冇講過野．．之後佢地暫時放低問題．．一齊玩啦．．玩到６點幾．．我地就散啦．．
（車站．．）
阿ｗｉｎｇ：喂．．阿瑩．．我老母叫我去銅鑼灣攞野呀．．我走先啦．．
跟住ｄ人都走晒．．得返我．阿傑．阿希．阿樂．．
我：咁我都返屋企啦．．
阿樂．阿希：我送你呀．．
我：下．．既．．我自己返去得架啦．．
阿樂：唔得．．一個女仔夜晚返屋企好危架．．
我：下．．唔會既．．
阿希：係呀．．我送你返去啦．．
我：下．．
阿傑：我送佢返去啦．．你地兩個返屋企先啦．．
跟住阿傑拉左我走．．阿希同阿樂就返屋企．．
（返屋企中．．）
我：唔該ｂｏ．．
阿傑：咩呀．．？
我：唔該你送我返屋企囉．．
阿傑：我廢事阿希同阿樂煩炸．．兩個都話送你．．一個送得．．第二個又唔送．．咁咪我送囉．．唔洗煩．．
我：哦．．咁．．都唔該你啦．．你點都有送我返屋企呀ｍａ．．
阿傑：係喎．．果日阿希送俾你果樣野係咩黎架．．？
我：哦．．桔仔公仔炸ｍａ．．
阿傑：哦．．其實．．我之前都成日送我女朋友返屋企架．．但係同佢分左手之後．．都冇乜點送過女仔返屋企ｌｕ．．
我：哦．．睇黎．．你真係幾鐘意你個女朋友ｂｏ．．
阿傑：唔知呀．．不過．．我更加唔知點解會同你講咁多我既野．．依ｄ事．．得阿希．阿卓同埋阿樂知架炸．．之後就係你啦．．
我：哦．．我個樣靠得住囉．．嘻嘻．．
阿傑：下．．真係咁．．？”
我：係呀．．唔可靠咩．．？
阿傑：你話可靠咪可靠囉．．
我：嗯．．我到啦．．
阿傑：洗唔洗送埋你上去呀．．？
我：唔洗啦．．唔該你呀．．ｂｉｂｉ．．
跟住我就衝左上樓ｌｕ．．
（屋企．．７：３０）
我：好攰呀．．
卡妹：喂．．頭先有個男仔打過俾你呀．．
我：下．．邊個呀．．？
卡妹：鬼知咩．．
我去左睇電話紀錄．．原來係阿濠．．跟住我打返佢．．
（電話中．．）
我：喂．．阿濠牙．．搵過我牙．．？
阿濠：係呀．．
聽佢把聲好似好頹咁．．
我：搵我做咩呀．．？平時你好日都唔打黎個ｂｏ．．
阿濠：你依家出唔出得黎呀．．？
我：哦．．得既．．你係邊呀．．？做咩呀．．？
阿濠：你依家去ｘｘ公園呀．．我係果度等你呀．．
我：做咩事呀．．？
阿濠：你黎左先講啦．．
跟住佢就ｃｕｔ左我線啦．．ｃｕｔ左之後我即刻衝去公園搵佢．．因為聽佢把聲咁頹．．我驚佢有事呀．． 　

第九章

我跑到去ｘｘ公園．．見到阿濠自己坐左係千秋．．我就行去埋去．．坐左係佢隔離果個千秋．．
我：喂．．做咩呀．．？
阿濠：既．．我．．我離家出走呀．．
我：下！？同你阿媽嗌交牙．．？
阿濠：係呀．．
我：咁你今晚搵到地方訓未呀．．？
阿濠：搵到就唔會坐係度啦．．
我：咁你今晚點算呀．．？
阿濠：唔知呀．．
我：你做咩唔去搵阿輝呀．．？
阿濠：屌．．咪提佢啦．．佢都仲未返屋企．．又冇開手提．．頂．．
我：咁牙．．不如我陪你等阿輝啦．．
阿濠：算啦．．佢條友．．邊有咁早返呀．．我自己等啦．．你老豆老母都唔俾啦．．
我：陪多一陣都好呀．．你又同你阿媽吵咩呀．．？
阿濠：佢都ｆｕｃｋ架．．阿婷冇神神同我老母講話我係學校成日溝女喎．．依樣都冇乜野．．佢仲話我拍拖喎．．屌．．同我老母講依ｄ野．．我今日一返到去．．我老母坐左係到．．好似審犯咁審趨呀．．問我係唔係成日掛住撾女．．所以成績咁差喎．．頂．．人講佢又信．．
我：哦．．咁你又真係成日溝．．（未講完）
因為阿濠啤住我．．我就冇講落去啦．．
我：咁你今晚點呀．．？阿輝玩到好夜個ｂｏ．．
阿濠：咪係囉．．都唔知今晚點死呀．．
我：喂．．咪住．．你阿媽就係咁樣．．你就走左出黎牙．．？
阿濠：話你傻婆真係講得冇錯架．．梗係唔係啦．．佢冇神神攞埋我老豆出黎講呀．．話我遲ｄ又會好似我老豆咁．．結左婚仲玩女喎．．
我：下．．
阿濠：佢無神神攞個仆街拉埋黎同我一齊講喎．．果條仆街都走左老啦．．仲提佢都唔知做乜．．
阿濠講緊果陣．．我見到佢眼紅．．我知佢係因為我．．所以唔敢喊．．其實佢已經好堅強架啦．．因為佢話俾我知．．佢老豆走左之後．．佢一次都喊過．．佢話如果俾佢阿媽見到佢喊．．會令佢阿媽更加傷心喎．．因為佢想令佢阿媽開心．．所以佢老豆走左咁耐．．佢都冇喊過．．佢老豆係佢４年級果年走既．．
我：唔好唔開心啦．．
阿濠冇出聲．．我知佢好想喊出黎．．佢已經忍左３年啦．．３年裡面佢冇喊過呀．．佢真係好錫佢阿媽呀．．為左佢阿媽．．而唔敢喊．．一直佢受到既唔開心．．都剩係可以收埋係個心度．．唔可以好似普通既細佬咁．．有咩事都同阿爸阿媽炸嬌．．我一諗到依一點．．我自己都好想喊．．跟住我就過左去攬住佢．．
我：你喊啦．．你忍左３年啦．．你阿媽依家唔係度．．
阿濠佢忍唔住．．跟住佢就攬住我黎喊．． 　

第十章

阿濠：其實．．依３年黎．．我都冇喊過．．唔係你．．我諗我到１０年之後都未必識喊呀．．
我：嘻．．傻啦．．ｆｄ黎架ｍａ．．有咩事．．我梗係要幫你啦．．
阿濠無神神塊面靠到好埋．．跟住細細聲咁．．
阿濠：ｆｄ牙．．我地剩係ｆｄ炸．．
我唔知點算好．．好似唔識郁咁．．
我：下．．既．．咩呀．．
阿濠又突然走開左．．企左係我前面．．
阿濠（笑住）：冇野啦．．我送你返屋企啦．．
我：下．．咁你．．
阿濠：我送完你返屋企．．我都會返屋企架啦．．
我：嗯嗯．．咁就岩啦．．嘰．．
阿濠：廢事你擔心炸．．
我：下．．
阿濠：冇野啦．．撞聾．．
我：咩呀．．話我撞聾．．
阿濠：你依家唔係咩．．
跟住我就同佢追黎追去啦．．咁又一日啦．．之後星期日都冇乜野發生．．
（星期一．．學校．．ｌｕｎｃｈｔｉｍｅ．．５樓．．）
我又同阿濠追黎追去．．打黎打去．．跟住．．
我：呀∼∼∼
阿濠一手打我個頭．．好大力．．好痛呀．．＞＜”
阿濠：呵．．抵死．．
我冇出聲．．因為真係好痛．．
阿濠：喂．．你．．喂．．
我眼紅呀．．想喊啦．．好痛呀．．（其實阿濠整喊過我幾次架啦．．次次都係因為打痛我．．衰人黎架佢．．＞ｕ＜”）
跟住我跑左落小食部．．阿晴跟左我落去．．落去．．我坐左係度．．忍唔住．．喊左出黎．．過左一陣．．我仲喊緊．．我見到阿希佢地４個．．佢地見到我．．想行過黎既時候．．阿濠落左黎．．蹲左係地下．．
阿濠：唔好喊啦．．唔好嬲啦．．
我拎轉面．．
阿濠：最多俾你打返囉．．
我：唔洗呀．．
阿濠：係我衰囉．．喂．．唔好嬲啦．．俾你打返啦．．
阿濠捉住我隻手．．打佢塊面．．（好細力）
我：係唔係俾我打返呀．．？”
阿濠：係呀．．
我一巴打左落去．．我係冇心咁大力架．．跟住佢啤住我．．
我：對唔住．．我唔係有心架．．
跟住阿濠行左去．．我追住．．佢又打返我．．我地又好返啦．．但係我唔記得左阿希佢地．．
（放左學．．返到屋企．．）
電話響．．我走左去聽電話．．
（電話中．．）
我：喂喂．．”
阿希：喂．．ｘｘ瑩．．
我：做乜一打黎就響我全朵呀．．
阿希：今日果個你條仔牙．．？
我：下．．梗係唔係啦．．
阿希：唔洗扮野啦．．肯定係啦．．
我：唔係呀．．ｆｄ黎炸．．
阿希：信你呀．．唔好當我傻仔啦．．佢咁哄你．．仲唔係．．佢唔係你條仔呀．．洗唔洗對你咁好呀．．
我：ｆｄ黎呀ｍａ．．
阿希：信你果個竟白痴啦．．
我：你真係白痴呀．．冇神神打黎搵交嗌．．有病牙．．
阿希：係呀．．有病呀．．一睇就知你同果條友有野啦．．
我：唔同你講呀！
跟住我就ｃｕｔ左佢線啦．． 　

第十一章

（朝早．．班房．．）
阿晴：做咩成朝都嬲爆爆咁呀．．？
我：琴晚阿希打黎冇哪哪話我同阿濠有野．．最憎ｄ人咁講架．．
阿晴：其實．．你開學冇幾耐．．你同阿濠就成日俾人講架啦．．你地仲都好似俾人傳左差唔多成個上學期先冇乜野．．你地兩個又咁岩咩堂都坐埋一齊．．乜都一齊咁．．唔怪得人地講你地既．．
我：唔係我想個ｂｏ．．ｄ位又唔係我編既．．堂堂都同個變態佬一齊坐．．
阿晴：哈．．算啦．．ｄ人係咁架啦．．
阿濠一返到黎．．又係度大嗌．．（有佢一日．．我果班唔洗止意靜呀．．＝＝”）
阿濠：ｘｘ瑩∼
我：做乜一早就嗌我個名呀．．嗌過第２個名得唔得呀．．
阿濠：唔得喎．．我係鐘意嗌你個名喎．．
我：廢事理你呀．．＝３＝”
我行左出走廊．．一出去就見到阿希佢地４個．．我冇理佢地．．尤其係阿希．．
阿樂：咦？你條仔呢．．？你地ｄ女仔唔係好鐘意同條仔一齊返學既咩．．
我冇出聲．．都冇望佢地．．（激死我呀．．””）
阿傑：係喎．．懶係野咁返黎呀ｍａ．．ｄ　ｆ１仔ｄ野．．見得多啦．．
阿卓：算啦．．可能佢地唔係咩既呢．．
我即係好開心咁望阿卓．．但係點知．．
阿卓：可能係佢自己一廂情願鐘意人．．人地唔鐘意佢既呢．．
阿希：點會呀．．佢地兩個一定有野啦．．係佢自己唔認ｊａ．．敢做唔敢認．．
我果陣其實好嬲架．．不過我冇出聲．．因為我知道如果我出聲同佢地嘈．．想佢地走返落４樓都幾難．．正係佢地４個係度講緊野．．而我又係度諗緊野既時候．．阿濠係班房大嗌．．
「喂∼ｘｘ瑩∼今日要做ｉｓ作業呀∼快ｄ啦∼」
我（大嗌）：我果本係我張"木台"呀．．自己攞啦．．
「唔得呀∼你幫我抄啦∼」
我就咁返左班房．．（幫阿濠抄功課．．”）冇理阿希佢地幾個．．衰人．．
過左一陣．．ｍｉｓｓ　ｗｏｎｇ黎左．．
ｍｉｓｓ　ｗｏｎｇ：快ｄ彈入黎啦！
原來係阿希佢地４個．．
ｍｉｓｓ　ｗｏｎｇ：咦？阿卓同阿希唔洗上黎個ｂｏ．．你地兩個落返去啦．．
阿希：唔得∼
阿卓：兄弟黎架ｍａ．．我地兩個要陪佢地呀．．
ｍｉｓｓ　ｗｏｎｇ：是旦啦．．我剩係要你地今日成日跟住我．．睇下你地可唔可以倒亂！
阿傑：我地得個ｂｏ．．
阿樂：唔好睇小我地４個呀．．
ｍｉｓｓ　ｗｏｎｇ：你地４個企去後面．．睇下我地點上堂．．再諗下你地平時點上堂呀！
（ｅｎｇ堂．．）
基本上．．我地果班咩堂都唔係上架啦．．不過依ｅｎｇ堂就特別唔洗上ｊａ．．因為ｍｉｓｓ　ｗｏｎｇ上堂好似乜都睇唔到．．聽唔到咁．．自己係度講書．．”我講過．．我同阿濠咩堂都一齊坐架ｍａ．．依堂．．我地兩個又發癲啦．．
阿濠：喂．．飲唔飲呀．．
我：咦∼唔飲呀．．你飲過既．．”
阿濠：我先唔俾你飲呀．．
我：你俾我都唔飲呀．．
跟住我地成班各有各玩．．點知．．阿濠飛左個筆袋出去．．差ｄ中左ｍｉｓｓ　ｗｏｎｇ呀．．全班都俾佢嚇死呀．．阿濠靜靜雞出去攞返個筆袋．．跟住我地係度笑．．嘰．．”
我：你白痴架．．
阿濠：咩話．．
阿濠踩我隻腳．．跟住我同佢又開戰．．踩踩下．．好痛．．”我企左起身．．
我：好痛呀．．
阿濠：抵死囉．．
我：係你衰先架！
阿濠：你詰我白痴架！
我：你出腳先架！
阿濠：你口臭先架！
跟住我同佢坐返低．．唔理大家．．過左一陣．．我又同佢玩返．．阿希行左過黎．．
阿希：喂．．
我冇理佢．．同阿濠玩．．阿希冇神神扯我起身．．
我：做乜呀！
ｍｉｓｓ　ｗｏｎｇ：阿希．．做咩呀！？
阿希：黃ｘｘ（ｍｉｓｓ　ｗｏｎｇ）．．收皮啦！唔關你事呀！又話同佢冇野．．又同佢玩得咁開心！
唔講ｍｉｓｓ　ｗｏｎｇ咁多啦．．
我：關你咩事喎！
阿濠：喂．．咩事呀你．．放手啦．．
阿希：唔關你事呀！啊∼ｓｏｒｒｙ喎．．唔記得佢係你條女ｔｉｍ．．梗係關你事啦．．
阿濠：講乜呀．．咩我條女呀．．放手啦．．
我：放手呀！我都話我同阿濠唔係囉！
阿希：唔係佢洗咁緊你！
阿濠：我唔係佢條仔呀！我緊佢？ｆｄ黎架！放手呀！
我：放手呀！
阿希：你同佢冇野又洗唔洗咁呀！
阿傑：認左佢咪唔洗咁囉．．
阿卓：阿希：放手先啦．．
阿樂：算啦．．你係咪認囉．．做咩唔認ｊａ．．
我：我同佢都冇野！咁我做咩要認呀！
跟住可能我果班知道我同阿濠係真係冇野既．．跟住開始起鬨．．
全班：ｆ４大晒咩．．佢地兩個不嬲都係冇野架啦．．佢地成日傳．．個個都知．．不過佢地真係冇野個喎．．我地依度３８個人．．日日都同佢地兩個一齊．．點會唔知呀！
阿希佢地知道左我同阿濠真係冇野．．阿希放左手．．
阿希：既．．阿瑩牙．．我．．
我冇理佢．．衝左出去．．走左入廁所．．
第十二章

（廁所．．）
我企左係度．．望住隻手．．紅晒．．我喊左出黎．．我喊唔係因為佢整痛我．．係因為我講極佢地４個都係唔信我．．跟住阿晴走左入黎．．
阿晴：ｍｉｓｓ　ｗｏｎｇ叫你返去呀．．唔好喊啦．．好痛牙．．？”
我：唔．．唔係呀．．點解．．佢地．．死都唔．．唔信我喎．．衰人．．
阿晴：嗯．．佢地係好衰．．但係你都返去先啦．．
我：唔返．．我唔要見到衰人．．
跟住我打電話俾阿ｗｉｎｇ．．雖然學校唔俾帶電話．．但係我日日都有帶．．因為我成日都要搵阿ｗｉｎｇ．．冇電話好難搵佢．．佢又好難搵我．．
（電話中．．）
我：喂．．阿ｗｉｎｇ．．今日放學你黎搵我呀．．
阿ｗｉｎｇ：做乜呀．．？”有人恰你牙．．？
我：唔係既．．妖．．你放學叫埋佢地黎啦．．我想同你地一齊呀．．
阿ｗｉｎｇ：不如你話左俾我知乜事先啦．．阿ｓｉｒ就黎見到我傾電話啦．．
我就咁話晒俾阿ｗｉｎｇ知．．
阿ｗｉｎｇ：唔緊要．．冇佢地４個．．仲有我地果４個呀ｍａ．．
我：嗯嗯．．
跟住佢就ｃｕｔ左我線．．可能俾阿ｓｉｒ發現左．．（＝ｖ＝唔關我事．．）之後過左一陣．．打左鐘．．我知道佢地４個走左．．我先返去．．
（ｌｕｎｃｈｔｉｍｅ．．班房．．）
阿濠：喂．．頭先果幾條友點識架．．？
我：唔想再講佢地呀．．
阿濠：咁算啦．．隻手痛唔痛呀．．？
我：少少啦．．
阿濠：咁點先唔痛呀．．？
我：嘰嘰．．我要飲野．．
阿濠：飲咩呀咁．．？
我：荔枝茶．．
阿濠：唉．．好啦．．坐係度等我啦．．
我：嘰．．好呀．．
阿濠：阿晴．．睇住佢呀．．你知佢白痴架啦．．
我：咩呀．．
阿濠：等我啦．．
阿濠落左去買野飲俾我．．
阿晴：你睇下．．阿濠對你幾好．．唔好喊啦．．
我：嗯．．我知．．你地個個都對我好好．．
阿晴：特別係阿濠．．
我：下．．阿濠牙．．ｆｄ黎ｊａ．．
阿晴：但係．．阿濠佢．．
阿濠：喂．．荔枝荼呀．．咩呀．．講我咩呀．．
我：冇呀．．
阿濠：點呀你．．洗唔洗同你去醫療室呀．．？
我：唔洗啦．．嘰．．冇事既．．
阿濠：不如今日我送你返屋企啦．．
我：下．．傻架．．不嬲都係架啦．．
阿濠：唔係呀．．送埋你上去呀．．
我：下．．做咩無哪哪送我返去呀．．？
阿濠：廢事一陣果幾個人放學黎搵你啦．．
我：唔洗啦．．
阿濠：得啦．．唔洗講啦．．放學就走啦．．唔好去小食部啦．．
（放學．．）
阿濠送左我返屋企之後就走左啦．．無奈既係．．一返到屋企．．電話又響．．
（電話中．．）
阿希．阿樂．阿傑．阿卓：對唔住呀．．
我ｃｕｔ左佢地線．．之後佢地又打黎．．我又ｃｕｔ佢地線．．好嬲佢地呀．．＞＜” 　
第十三章∼傑之原諒

（電話中．．）
阿希：唔好ｃｕｔ住先啦．．
我：咩呀！？我冇野同你地講喎．．
阿傑：妖．．你冇．．我地有呀！
我：講囉．．
阿樂：對唔住呀．．我地唔信你．．係我地唔岩．．
阿卓：ｓｏｒｒｙ呀．．原諒我地啦．．
我：唔得喎．．
阿希：我地都講晒對唔住啦．．仲想點呀．．
我：你地做錯野．．講對唔住係應份個喎．．但係我原諒你唔係應份個喎．．
阿希．阿傑（佢地兩個成日都好衝動）：咁你點先肯不諒我地呀！
阿樂：喂．．你地兩個呀．．咁樣．．叫人地點原諒你呀．．
阿卓：咪係．．收下你地兩個ｄ牛脾氣啦．．
我：唔同你地講呀．．咁大聲話我．．好似我做錯野咁．．冇野好講囉．．
我就咁ｃｕｔ左佢地線．．可能佢地放棄左啦．．所以佢地都冇再打黎啦．．
（學校．．小食部．．）
我：一包芒果汁呀．．阿姨．．
「芒果汁呀」
我一拎轉身就見到阿傑啦．．我冇理佢．．
阿姨：得返一包炸．．你係哥哥．．讓下人地啦．．
阿傑：唔得喎．．
我：唔要啦．．
我就咁行左去．．突然有人拍我博頭．．
阿傑：喂．．講笑炸．．俾你啦．．
我：依家我唔要喎．．唔洗你俾我呀．．
阿傑：ｓｏｒｒｙ呀．．我知我唔信係我唔岩．．ｓｏｒｒｙ囉．．
我：哼．．你係我原諒你都得．．你係度同我講對唔住呀．．
阿傑：對唔住．．
我：我要你嗌出黎喎．．
阿傑：下．．咁多人．．要我．．
我冇理佢行左去．．點知．．
阿傑（好大聲）：ｘｘ瑩！對唔住呀！
全部人都望住佢．．我即刻拎轉身．．
我：傻架你．．我講下笑炸．．
阿傑：係喎．．我傻架．．咁原諒我未呀．．
我：你想呢．．
阿傑：你話呢．．
跟住我同佢係度傻笑．．我同阿傑無無聊聊咁就好返啦．． 　
第十四章

第十四章

係第二個小息我同阿傑就好返啦．．
（班房．．）
阿晴：喂．．阿瑩．．頭先有人見到你同阿傑傾計喎．．好返啦．．？
我：係呀．．佢咁唔要面．．係咁多人面前同我ｓａｙ　ｓｏｒｒｙ．．咁咪算囉．．
阿晴：咁如果係阿樂．阿卓．阿希咁做．．你都會原諒佢地牙．．？
我：阿樂同阿卓就會．．阿希．．佢．．
「＞Ｖ＜”係唔係真架？」
我一拎轉身就見到阿樂．阿卓．阿希企左係出面．．
阿樂同阿卓（大嗌）：對唔住呀．．
我：對唔住邊個呀．．
阿樂同阿卓（大嗌）：ｘｘ瑩．．對唔住呀．．
我：嘰．．傻仔．．
阿樂：咁即係原諒我地啦．．
我：咁你地唔係唔想呀．．？
阿卓：想．．
阿樂：喂．．阿希．．快ｄ講對唔住啦．．
阿希：下．．
我：依ｄ人．．就算講左對唔住．．我都唔會原諒佢架！
阿希好大力咁推開班房門．．走左．．門都差ｄ俾佢整爛呀＝３＝”
我：依家邊個做錯野呀．．仲係度發脾氣．．”
阿樂：佢係咁架啦．．
（放學．．）
阿晴：喂．．去食野呀．．好冇呀．．？
我：唔啦．．今日冇乜心情呀．．
阿晴：咁算啦．．咁我返屋企啦．．
我：嗯．．
（返屋企路途中．．）
我一直行．．冇乜理周圍．．點知有班人（不懷好意．．＞ｕ＜”嘰．．）行埋黎．．
男仔ａ：喂．．自己一個呀．．？
我：下．．
男仔ｂ：不如我地陪你呀．．
我：下．．唔洗啦．．
男仔ａ：要既．．
我：真係唔洗啦．．
男仔ｂ：要呀．．我地同你去食野呀．．
我：唔呀．．我要返屋企呀．．
男仔ｃ（同男仔ａ講）：喂．．算啦．．
我望住果個男仔．．
男仔ａ：算咩呀算！阿伸．．行開．．（原來佢叫阿伸．．）
男仔ａ同ｂ行得愈黎愈埋．．突然．．
阿希：死撚開啦！
我：阿．．阿希．．
男仔ａ：做"價兩"呀！本大爺玩女關你咩事呀！
阿希：佢係我條女呀！你收皮啦！
我即刻望住阿希．．
阿希佢拖住我隻手行左去．．
男仔ａ：唔好俾我見返你呀！俾我見返你！我打獲金既你！
（公園．．）
我：放手啦．．
我ｆｉｎｇ開左佢隻手．． 　

第十五章

阿希：你係唔係真係咁憎我ｊａ．．！？
我：係呀．．我最憎人唔信我呀．．！
阿希：咁你想我點呀．．！？
我：你連一聲ｓｏｒｒｙ都冇呀．．咁就想我原諒你牙．．
阿希：咁ｓｏｒｒｙ囉．．
我：哈．．你都好好笑喎．．要我講你先識得ｓａｙ　ｓｏｒｒｙ．．
阿希：ｓｏｒｒｙ呀．．唔好嬲啦．．
我：哼．．好嬲喎．．
阿希：咁你點先唔嬲呀．．？”
我：唔知喎．．唔同你講啦．．我返屋企啦．．
阿希：喂．．咁你都俾我送你返屋企啦．．
我：做咩要送我返屋企呀．．我又唔係唔識返．．
阿希：你唔記得頭先果班人啦．．
我：唔驚ｂｏ．．
阿希：我驚呀．．
我：下．．？
阿希無神神攬住我．．
阿希：我驚你又撞返佢地．．一陣佢地又唔知對你做ｄ咩架啦．．
我好輕手咁推開佢．．
我：嘰．．你擔心我牙．．？
阿希：唔係喎．．
我：擔心我牙．．？
阿希：唔係．．
我：擔心我牙．．？
阿希：唉．．係呀．．唔好煩啦．．我送你返去啦．．
我：你又知我俾你送我返去．．我剩係俾ｄ我唔嬲既人送我架炸．．
阿希：咁你依家即係唔俾啦．．
我：我有話唔俾咩．．
阿希：咁．．即係．．唔嬲牙．．？
我：嘰．．唔知呢．．行啦．．傻仔．．我要返屋企架．．
（屋企．．）
卡妹：做咩咁晏呀．．？又去左邊度呀．．？
我：食野呀．．
卡妹：食咩．．唔洗食飯牙．．
我：今晚有咩餸呀．．？
卡妹：食屎呀．．
我：車．．
突然電話響．．
（電話中．．）
阿ｗｉｎｇ：不如我聽日接你放學呀．．
我：好呀．．
阿ｗｉｎｇ：你原諒左果幾個人未呀．．？
我：你又知我一定會原諒佢地．．？
阿ｗｉｎｇ：你知你個心有幾軟架啦．．仲軟過豆腐呀．．
我：係咩．．咁你聽日記住黎呀．．
阿ｗｉｎｇ：得啦．． 　
第十六章

（ｌｕｎｃｈｔｉｍｅ．．小食部．．）
我：好口渴呀．．
阿晴：去買野飲囉．．
我：又唔想行喎．．
阿晴：我幫你買啦．．
我：唔該．．嘰．．
阿晴：飲咩呀．．？
我：是旦啦．．平時飲開果ｄ囉．．
阿晴想行去買既時候．．無哪哪有包檸檬茶係我面前出現．．我一拎轉就見到阿希啦．．
阿希：俾你啦．．
我：嘰．．ｔｈａｎｋ　ｙｏｕ．．
阿晴：你地好返啦．．？
我：係呀．．
阿晴：幾時既事呀．．？我唔知既．．？
阿希：咪琴晚囉．．佢俾仔"聊"喎．．初時都有嚇親我架．．（未講完）
阿晴：你都會驚．．？
我：哦∼原來係冇膽鬼．．嘰嘰．．
阿希：嚇親我唔係因為果班人呀．．我點會俾果班低能仔嚇到呀．．係因為豬排都會俾仔．．嚇親我ｊａ．．
我即刻啤左阿希．．
我：邊個係豬排呀．．
阿希：既．．我都係返上去先啦．．遲ｄ再傾過啦．．ｂｉｂｉ．．
佢就咁走左去啦．．
（放學．．）
我一出校門就見到阿ｗｉｎｇ．阿恆（ｆ４．阿恆同阿ｗｉｎｇ拍緊拖既）．阿俊（ｆ４．單身中．．都係個令仔黎架．．仲好型ｔｉｍ）．．咁我就行過去啦．．
我：喂．．阿恆．．阿俊．．咁好死黎接我．．阿恆就話陪阿ｗｉｎｇ　ｊａ．．咁阿俊你做咩咁好死呀．．？
阿俊：咁耐冇見你個衰樣．．突然想見下呀．．得唔得呀．．？
我：得．．不如去食野呀．．
阿ｗｉｎｇ：你乜都唔識．．剩係識食架炸你．．
阿恆：咪係．．小心變肥婆呀你．．
我：你再嘈．．我叫阿ｗｉｎｇ唔要你呀．．
阿恆：哈．．我知阿ｗｉｎｇ唔會因為你唔要我既．．係唔係呀．．？
阿ｗｉｎｇ：唔係喎．．我梗係要阿瑩都唔要你啦．．
我：哈∼
阿俊：唉．．有人ｌｏｌ左喎．．你都ｏｎ９架．．明知佢地兩個咁ｆｄ就唔好問埋ｄ咁既野啦．．一問．．你咪好似依家咁ｌｏｌ囉．．
阿恆：車．．行啦．．去食野啦．．
我：扯開話題．．
（ｍ記．．食野中．．）
我：好飽呀．．
阿ｗｉｎｇ：食得咁快既．．我岩岩先食完個包炸．．
阿俊：你又唔係第一日識佢．．死肥婆．．
我：咩喎．．好味呀ｍａ．．
阿俊係度笑．．佢成日都笑架．．笑既時候好得意架．．
阿恆：哈．．ｋａｉ架．．ｏｎ９架．．成日無哪哪自己係度笑．．
我（望實阿俊）：阿俊∼
阿俊：嘩．．你次次咁叫我．．一定有ｄ野既．．
我（望實阿俊）：你杯雪糕好好味咁ｂｏ．．（阿俊未食過既．．）
阿俊：唉．．俾你啦．．
係我食緊阿俊杯雪糕既時候．．我見到阿希佢地一大班人．．至少都超過１０個．．有男有女．．我諗佢地係因為今晚去ＢＢＱ出左黎先掛．．
阿恆：咦？你學校ｄ人喎．．
我：係呀．．同你地兩個一樣都係ｆ４架．．
阿俊：哦．．識架．．？
我：嗯．．
阿ｗｉｎｇ：幾令仔喎．．
我：係呀係呀．．我都覺呀．．
阿希佢地４個望到我．．可能因為佢地見到阿恆同阿俊係度啦．．所以冇過黎．．都冇叫我．．咁我都冇理佢地．．
阿俊：死肥婆．．成杯食晒．．你係唔係人黎架．．＝＝？
我：係呀．．我係人．．難得我食極唔肥．．咁梗係食盡佢啦．．
阿ｗｉｎｇ：咁又係喎．．佢真係由小學開始食到依家都冇肥過喎．．
阿恆．阿俊：遲ｄ肯定肥死你呀．．
我：咩呀．．你地兩個好想肥死我牙．．唉．．灰晒啦．．
阿俊：邊捨得肥死你呀．．係都係我打死你ｊａ．．
我（扮嬲）：哼．．衰人．．
我自己行左出ｍ記．．

唉.....我見咁多位都係看到56章以上啦~,咁不如我post 快d呀.....好冇呀??

第十七章

ｍ記出面．．我自己企係出面．．周圍望．．嘰．．因為我知過多一陣我再唔入去．．阿俊一定會出黎搵我既．．點知企企下．．阿卓出左黎．．
阿卓：喂喂．．
我：阿卓．．你地係度做咩呀．．？
阿卓：今晚ＢＢＱ呀ｍａ．．阿傑唔係同你講左咩．．我地幾個本來都想叫埋你去．．不過你知啦．．ｄ女仔．．
我：我知架啦．．
阿卓：裡面同你坐果個男仔．．你條仔牙．．？
我：下．．梗係唔係．．ｆｄ黎架．．
阿卓：你都好多ｆｄ喎．．佢ｆｏｒｍ幾呀．．？
我：同你地一樣咁老囉．．
阿卓：你個衰妹呀．．好啦．．唔傾啦．．我入返去先啦．．唔係又俾班人嘈架啦．．
我：嗯．．
阿卓返左入去．．阿俊就走左出黎啦．．
阿俊：喂．．
我：咩呀．．衰人．．
阿俊：你嬲牙．．？
我：係呀．．
阿俊：下．．
我：嘰．．冇嬲呀．．傻佬．．
阿俊：你．．我係傻佬呀．．你咪傻婆囉．．
我：我最多都係傻妹ｊａ．．我先冇你咁老呀．．
阿俊：唉．．入返去啦．．
我：嗯．．
（ｍ記中．．）
我出去幫阿俊買野食．．出到去．．我見到兩個ｆ４既女仔．．佢地啤住我．．可能佢知我識阿希佢地掛．．我冇理佢地．．不過佢地行左埋黎．．
阿ｃ（ｆ４其一）：喂．．"口靚"妹．．
我：下．．叫我牙．．
阿茹（ｆ４其一）：唔係叫你．．叫邊個呀．．醒少少啦．．
阿ｃ：你識阿希．阿傑．阿樂同阿卓架．．？
我：係呀．．
阿ｃ：點識架．．？
我：下．．
阿茹：問你點識佢地呀．．下．．下咩呀．．講啦．．點識架．．
我：唔知喎．．
阿ｃ：串牙．．
我：冇串過．．
阿茹：八婆．．唔好玩野呀．．問你點識佢地呀．．答啦．．
我：唔鐘意答你地喎．．你地要我答就答架啦．．
阿ｃ：係唔係博打呀！？
我：唔係喎．．
阿茹：你個死八婆．．信唔信我吹雞打你呀．．
我：信．．信你吹左都冇人黎．．
阿ｃ同阿茹一人摑左我一巴．．我果陣好興．．我冇出聲．．
阿ｃ：點呀．．好痛牙．．同阿希講囉．．
阿茹：唔出聲驚牙．．？
我：驚．．？我好多野都驚．．就係唔驚八婆同姣婆．．你地岩岩就係一個八婆一個姣婆．．咁你地話我依家驚唔驚呀啦．．？
阿茹：你．．
阿茹又想打我．．阿ｃ捉住佢隻手．．
阿ｃ："口靚"妹．．返屋企果陣小心ｄ呀．．
我：不如你地小心仆街仲好啦．．
佢地行左返去阿希佢地度．．我買完雪糕都返左去．．
阿俊：唔該ｂｏ．．肥婆．．
我都未講野．．阿ｗｉｎｇ就拉左我出去．．
（出面）
阿ｗｉｎｇ：你俾人打呀．．？
我：係呀．．
阿ｗｉｎｇ：頭先出去果兩個女仔．．？
我：嗯．．
阿ｗｉｎｇ：我地係唔係．．
我：要做ｄ野呀ｍａ．．梗係要啦．．
阿ｗｉｎｇ：行啦．．
我地返入ｍ記買左兩杯奶昔．．本來阿ｗｉｎｇ話買可樂．．不過我覺得唔夠正．．所以就買奶昔啦．．嘰．．我地係佢地隔離行過既時候．．我地倒左ｄ奶昔係佢地兩個個頭度．．阿俊同阿恆都即刻跑過黎睇下咩事．．

第十八章

我：哎．．對唔住呀．．八婆．．我有心架．．
阿ｗｉｎｇ：打人原來有報應架喎．．依家先知．．真係要多謝你地兩個仆街話我知啦．．
阿ｃ：阿希．．阿樂．．
阿茹：阿傑．．阿卓．．
阿ｃ．阿茹：佢地兩個．．
阿ｃ：你地做咩要咁喎．．
阿茹：頭先出去．．你已經無神神鬧我架啦．．我都算啦．．你做咩要咁喎．．
我：你收皮啦．．做戲咁勁．．去參加ｔｖｂ呀．．
阿希：喂．．做乜呀你地．．到底咩事呀！？
阿ｗｉｎｇ：你問果兩個八婆啦．．
阿ｃ：頭先我地兩個出去買野．．依個女仔無神神話我地成日痴左阿希你地．．叫我地兩個以後都唔好同阿希你地一齊．．我地都冇理佢啦．．點解佢仲要咁喎．．
我：哈．．都好真喎．．唔知頭先邊兩個人摑我呢．．
阿俊：佢地兩個摑你牙．．？
我：嗯．．阿俊冇講野．．啤住佢地．．
阿希佢地４個冇出聲．．
我：你地唔好話俾我知你地信佢地又唔信我牙．．？
阿希：但係我地咁多個人．．識左佢地兩個４年．．佢地係咩人我地都好清楚．．
我：咁佢地係咩人呀．．？
阿傑：好人．．佢地平時粗口都唔多講既．．佢地唔會好似你講咁個喎．．
我聽到之後．．我即刻又嬲又傷心．．
我：即刻又唔信我啦．．
阿樂：唔係呀．．但係我地識左佢地兩個．．（未講完）
我：咁你地依家即係信佢地定信我呀！？
阿希．阿傑．阿樂．阿卓：既．．信．．
我：信邊個呀！？
其他人：梗係信佢地兩個啦．．
阿希．阿傑．阿樂．阿卓：信．．既．．但係佢地真係．．
我：得啦．．你咁就已經話左俾我知．．你又一次唔信我啦！
我跑左去．．阿ｗｉｎｇ．阿恆．阿俊追住我走左．．
（公園．．）
我自己一個坐係度喊．．咁當然．．阿ｗｉｎｇ好快就搵到我啦．．
阿ｗｉｎｇ：喂．．唔好喊啦．．
我：佢．．佢地已經第二次唔信我啦．．
阿ｗｉｎｇ：唉．．算啦．．唔好理佢地啦．．佢地ｄ衰人．．遲ｄ佢地搵返你．．你都唔好理佢地呀．．
我：嗯．．
阿ｗｉｎｇ電話響．．
（電話中．．）
阿ｗｉｎｇ：喂．．阿恆牙．．？
阿恆：阿．．阿俊佢吹雞去打頭先果班人呀．．但係俾果幾個男仔．．即係阿瑩識果幾個知道左．．佢地都吹雞呀．．頭先佢地打交呀．．阿俊入左醫院呀．．你地快ｄ黎啦．．
阿ｗｉｎｇ：阿．．阿俊佢入左醫院呀．．
我同阿ｗｉｎｇ即刻趕去醫院．． 　

第十九章

（夜晚７：００．．醫院．．）
阿恆：醫生．．頭先打交果班人．．有個叫ｘｘ俊架．．佢點呀．．？
醫生：佢冇乜野既．．依家係病房呀．．你地可以入去睇佢架啦．．
（病房．．）
我：阿俊．．阿俊．．
阿俊：咦．．肯定又係阿恆話俾你地兩個知架啦．．唔係人黎架你．．叫左你唔好講俾佢地知架ｍａ．．
阿ｗｉｎｇ：你咁樣佢仲唔話俾我地知．．佢就真係唔係人啦．．
我：你做咩咁傻呀．．
阿俊：果個兩個八婆．．仲有果ｄ男仔．．佢地咁對你．．我點可以乜都唔做呀．．
我見到佢成身傷晒．．都係因為我．．我忍唔住喊左出黎．．
阿恆：阿ｗｉｎｇ．．我同你出去買野食返黎啦．．
阿ｗｉｎｇ：嗯．．
阿恆同阿ｗｉｎｇ去左買野食．．
我：傻架你．．為左ｄ少少野攪到自己咁．．
阿俊：你先傻呀．．我又唔係第一次同人打交．．喊咩喎．．
我：最衰都係你．．
阿俊：我！？
我：唔係你．．我就唔會喊．．
阿俊：我都唔知你喊乜．．依家俾人打果個係我．．痛果個都係我．．你喊咩喎．．
我：你俾人打係因為我．．你痛．．我見到你咁．．我．．
阿俊：你咩呀？心痛牙．．？
我：下．．痴線啦．．我先唔會心痛呀．．
阿俊：你話唔會咪唔會囉．．不過．．你頭先俾果兩條女摑過．．仲痛唔痛呀．．？
我：唔痛啦．．
阿俊：咁又係．．你食咁多野．．咁多脂肪．．打極都唔會痛架啦．．
我：衰人．．
我打左阿俊一下．．
阿俊：呀．．好痛呀．．好痛呀．．
我：呀．．ｓｏｒｒｙ呀．．
阿俊：果幾個男仔都入左黎．．係隔離房炸．．你去睇下佢地啦．．
我：車．．佢地咁衰．．我做咩要去睇佢地．．
阿俊：咁就當睇下佢地俾我打成點囉．．你去睇下佢地啦．．
我：嗯．．
我就行左去阿希間房．．見到佢傷晒．．冇乜感覺．．我行左埋去坐．．
我：點解次次都唔信我呀．．衰人．．抵你死架．．睇下你．．成身傷晒．．
阿希：係呀．．我係衰人．．頭先我唔信你．．係我衰．．唔好嬲我啦．．
我：阿．．你地次次都唔信我．．我唔嬲就唔係人呀．．
阿希：我地頭先同你個ｆｄ打交先知．．佢地兩個真係識果ｄ仆街架．．佢地兩個自己都係果ｄ人囉．．我地都係頭先先知架炸．．我地咁多人同佢地兩個識左４年喎．．一時間．．你要我地唔信佢地兩個好難架ｍａ．．如果要你唔信你個ｆｄ（阿ｗｉｎｇ）．．你都唔會啦．．
我：咁又係．．但係你地之前已經唔信我架啦．．我真係咁唔可信咩．．
阿希：唔係你唔可信．．係我地４個蠢啦．．得未呀．．？唔好嬲啦．．
我：算啦．．我都知你地識左４年．．感情好深．．同我識左３個月都冇．．感情都冇乜．．係咁架啦．．唉．．
阿希：唔係呀．．雖然時間係好短．．但係我．．
我：咩呀．．？
阿希：我鐘意左你呀．．
我：下．．
阿希：係呀．．如果唔係我上次以為你同果個阿濠有野都唔洗咁嬲啦．．
我：車．．我做咩要信你呀．．我點知你講ｄ野係唔係真架．．
阿希：真架．．信我啦．．
我：唔信喎．．
阿希：點解唔信呀．．依ｄ野．．我不嬲唔會攞黎玩架．．
我：車．．你依家知冇人信自己有幾無奈啦．．
阿希：牙．．ｓｏｒｒｙ呀．．
我：算啦．．
阿希：咩算呀．．我真係鐘意你架．．
我：下．．
阿希：喂．．你有鐘意人牙．．？
我：下．．
阿希：唔好下啦．．答下我啦．．
我：唔知呀．．我都未探阿傑佢地．．我依家去睇下佢地３個呀．．聽日先再探你啦．． 　

第二十章

（阿傑病房．．）
我：喂．．衰人．．
阿傑：做咩呀．．
我：你個死人頭呀．．你唔信我．．你依家仲唔ｓａｙ　ｓｏｒｒｙ喎．．仲問我做咩．．
阿傑：咁我諗住你都嬲到唔會理我架啦．．
我：我幾時有講過唔理你呀．．
阿傑：下．．你唔嬲咩．．？
我：嬲架．．不過我知道４年感情．．好難放低既．．
阿傑：咁即係肯彩返我地牙．．？
我：嗯．．
阿傑：你去左睇阿希未呀．．？
我：嗯．．
阿傑：哦．．佢有冇同你講咩呀．．？
我：下．．你咁講．．你一定知ｄ野既．．
阿傑：嗯．．佢頭先同人嗌交果陣．．唔知做咩．．嗌嗌下．．佢話鐘意你呀．．
我：下．．我知呀．．
阿傑：下．．？你知．．？
我：佢頭先同我講左呀．．
阿傑：咁你點答佢呀．．？
我：我未答呀．．我話聽日先黎睇佢炸．．
阿傑：冇答牙．．？
我：嗯．．
阿傑：哦．．你有冇鐘意人呀．．？
我：依家牙．．
阿傑：嗯．．對阿希有冇ｆｅｅｌ呀．．？
我：有．．不過我都唔知係唔係真係鐘意佢．．
阿傑：咁．．對我有冇ｆｅｅｌ呀．．？
我：下．．！？
阿傑：講下笑炸．．你返去啦．．夜啦．．
我：嗯．．咁我聽日再黎睇你地啦．．你幫我同阿樂阿卓講．．我今日睇唔到佢地．．聽日補返啦．．
阿傑：嗯嗯．．”
（屋企．．）
卡妹：做咩咁夜呀！？又唔打電話返黎．．作死你牙！去左邊呀你！？
我：下．．我ｄ　ｆｄ入左醫院．．我去探佢囉．．
卡妹：咁你都打個電話返黎呀！死女包呀！
我：得啦得啦．．沖涼啦．．
沖左涼食飽飽之後．．我就入左房諗下今日阿希佢講果ｄ野．．諗左好悶．．我竟然諗諗下訓左．．＝＝”（我唔想架．．）
（第二日．．學校．．）
阿欣（中學老死．．都係小學老死．．）：喂．．琴晚阿ｗｉｎｇ打俾我．．阿俊好似攪到好大獲喎．．
我：嗯．．
阿欣：下．．咁你有冇去醫院睇佢呀．．？
我：有呀．．冇咩野既．．我今日放學會去睇佢呀．．你同我一齊呀．．
阿欣：好呀．．
阿晴：喂．．我又去．．好似阿希佢地都入左院喎．．唔只你地個ｆｄ喎．．
我：你又知依單野．．？
阿晴：本來唔知．．但係因為阿希佢地４個．．ｆ４傳得好勁呀．．”
阿欣：ｄ人真係八架．．
我：係囉．．
阿晴：咁我今日都同你地去啦．．
我：哦．．好呀．．我都會睇下阿希佢地．．
阿欣：叫左阿ｗｉｎｇ未呀．．？
我：叫左啦．．
（放學．．醫院．．阿俊度．．）
我：我去睇阿希先呀．．我一陣再過黎呀．．
阿俊：做咩要睇左佢先呀．．睇左我先唔得牙．．
我：下．．唔係呀．．我有野同佢講．．
阿俊：有咩咁重要呀．．唉．．睇佢啦．．贂完佢．．以後唔好黎睇我呀．．
我：咩事呀你．．
阿俊：我叫你睇左我先ｊａ．．咁都唔得牙．．
我：唔同你講呀！
我就咁走左去阿希度．．我一入去．．見到．． 　

第二十一章

我一入到去阿希間房．．見到阿希趴左係地下．．我即刻行去扶返佢坐底．．
我：你做咩呀．．？
阿希：下．．冇呀．．諗住出去行下炸ｍａ．．
我：傻咩．．唔叫ｄ姑娘陪你去．．？
阿希：唔想同佢地去呀．．想同你去呀ｍａ．．
我：車．．
阿希（扮可愛．．）：講真架．．同我落去行下啦．．好唔好呀．．？
我：嗯．．
（醫院下面．．草地果度．．）
阿希：好舒服呀．．唔洗留係間病房度．．”
我：嘰．．傻既．．
阿希：係呀．．傻先會鐘意你呀．．
我：下．．
阿希：我琴晚同你講ｄ野係真架．．
我：下．．
阿希：點呀．．？”
我：下．．咩點呀．．
阿希：琴晚果ｄ野呀．．
我：下．．咩呀．．
阿希：我鐘意你呀．．點呀．．？
我：我可以點呀．．？
阿希：做我女朋友呀．．
我：唔做呀．．
阿希（扮可愛）：點解喎．．
我：嘰．．傻仔．．
阿希：咁點呀．．？”
我：嗯．．
阿希：嗯咩呀．．？
我：唔明就算．．
阿希：明呀．．
跟住阿希就係我塊面度錫左啖．．跟住我地就一齊左啦．．我地上返病房．．
我：我去睇下阿樂同阿卓先啦．．我琴晚冇去睇佢地呀．．
阿希：嗯．．
我去左阿樂度．．
阿樂：琴晚唔黎睇我．．衰人．．
我：下．．唔係呀．．琴晚我趕住返屋企呀ｍａ．．ｓｏｒｒｙ囉．．
阿樂：算你啦．．你睇左阿卓未呀．．？
我：未呀．．諗住睇完你先呀ｍａ．．
阿樂：唔洗啦．．你去睇佢先啦．．醫生就黎要幫我地檢查啦．．快ｄ去睇佢啦．．
我：嗯．．
我咁就去左阿卓度啦．．
阿卓：琴晚冇黎睇我．．我嬲．．
我：下．．ｓｏｒｒｙ呀．．琴晚趕住返屋企呀ｍａ．．
阿卓：唔．．咁你之後果幾日都要黎睇我ｂｏ．．最好有野食啦．．
我：嗯．．好啦好啦．．
醫生：夠鐘檢查啦．．３０分鐘到啦．．你食埋野上黎就岩架啦．．
跟住我同阿ｗｉｎｇ．阿欣．阿晴去左食野．．食野果陣又有ｄ野發生．． 　

第二十二章

我同阿ｗｉｎｇ．阿欣．阿晴坐左係度食野啦．．本來冇乜野既．．但係我地食食下．．有幾個男仔行埋黎（樣衰的．．又金毛咁．．睇佢地都係黎醫院睇兄弟架啦．．）．．坐左係度．．
阿ｗｉｎｇ：我地唔鐘意同人搭"木台"個ｗｏ．．
阿欣：周圍咁多位．．做乜係要坐係度牙．．
男仔ａ：我地鐘意呀．．唔得咩．．
我：唔得ｗｏ．．
男仔ａ：串嘴牙．．
我：係你自己走埋黎炸．．
男仔ｂ：你地班八婆呀．．係唔係博打呀．．
阿欣：收皮啦．．
阿晴：算啦算啦．．唔好嘈啦．．
男仔ａ：妹妹仔．．淆牙你．．？淆就唔好同你ｄ　ｆｄ一齊啦．．同我地一齊啦．．
阿ｗｉｎｇ：慳ｄ啦你．．
我：妖．．你地唔走我地走．．
男仔ａ：你妖我．．我最憎人妖我架．．
男仔ａ一巴摑埋黎．．跟住佢地就行左去第２張"木台"．．因為好痛．．所以我就係咁喊（我好易喊架．．出名喊包）．．跟住阿俊咁岩落左黎．．
阿俊：又做乜喊呀．．？
阿欣：果張ｄ男仔頭先過黎同我地嗌交．．摑阿瑩呀．．
阿俊冇講野．．佢想行過去果班人度既時候．．我拉住佢．．阿俊一轉身．．個樣好嬲．．
阿俊：乜ｘ野呀．．！
我：咁你想做咩呀．．！
阿俊：打佢囉！
我：係囉．．我就係知道你想去打人囉．．你仲有傷架．．去打人．．
阿俊：我唔理呀！我就係忍唔到佢打你．．得未呀！？
我：我係俾人打果個呀．．我都忍到囉．．咁你可以唔理架ｍａ．．！
阿俊：你俾人打．．我點可以唔理呀．．！
我：總知．．你依家過去同佢地嘈既話．．我．．我地就當冇識過啦．．！
阿俊好嬲咁走左去．．”
阿晴：其實阿俊都係為你好ｊａ．．
我：我知呀．．但係．．佢依家都未好返．．一陣同佢地嘈．．又同人打交．．我唔想佢再因為我有ｄ咩事呀．．
阿ｗｉｎｇ：係ｊａ．．但係你ｄ語氣好似重左ｄ喎．．
阿欣：係囉．．不如你上去同阿俊傾下啦．．”
我冇出聲．．上左去．．企左係阿俊病房門口．．企左一陣．．我入左去．．見到佢坐左係度．．好似仲好嬲咁．．
我：喂．．
佢冇理我．．
我：頭先我知係我語氣重左．．ｓｏｒ呀．．
阿俊：頭先我都係想幫你．．唔想你白白俾人摑左一巴呀．．！
我：咁．．我都係唔想你同人打交．．打傷你炸．．
阿俊：咁．．你．．乜你都會關心我既咩．．
我：梗係啦．．
阿俊：其實．．我呢．．
我：咩呀．．？
阿俊：冇野啦．．
我：冇野．．？講啦．．
阿俊：算啦．．等我好返先同你講啦．．”