[轉] 午夜奇談

我朋友廿六歲，佢係一個好隨便既人，隨便到夜晚冇人，佢會隨處屙尿，佢住屯門山景，有一次佢夜晚落街，行行下，人有三急，於是係草叢邊解決，之後冇野啦....

　第二晚....佢同佢個仔係屋企睇電視，熄左電視後，佢同個仔坐係廳度玩，突然間從電視反光中見到屋入面多左個男人！見佢係屋企行來行去，佢個仔都見到，好驚....由門口行到廁所，再由廁所行番去廳，行黎行去，之後我朋友係度講，你要D咩呀？我燒俾你啦！你唔好攪我地啦！

　佢見到個男人擰頭，之後個男人行出左門口走左，我個FRIEND以為冇事...但係點知呢個只不過係一個開始.......

　於是，第二晚佢帶埋佢個仔，去佢外母度，佢外母係養鬼仔，係泰國人黎，佢同我個friend講你今晚留低個仔，你自己番屋企先，但你今晚一定唔可以出街，一定唔可以.....

　咁我個friend聽佢話，心諗都唔出街，但係佢忘記左佢外母同佢屋企係隔一條街，佢就係呢段路(大約十分鐘)見到三個人，一個成身綠色，一個成身黃色，仲有一個成身紅色！行得好快走入草叢。(成身意思係整個人，由頭到腳得一種色)，佢急急腳咁行番屋企.....果晚都冇事.......

　隔左幾日，夜晚番工，四個人一架私家車...我地份工收夜晚四點半，五點鐘去到屯門公路....我覺得一切如常，冇咩特別.......

　第二晚，佢同我講番，原來琴晚佢見到一團白色人影係屯門公路行過，佢都冇理，之後佢再見到有一架單車係我地架車隔離一齊行！(當時我地架車時速120km)，佢話當時冇話我地聽因為驚嚇親我地，我聽完都好驚，我同佢講好彩你冇講咋~~

p.s.唔知係咪巧合，同車中四人有三人(包括我在內)，隔左幾日一齊發高燒.......

[color=Red]5 g梨up乜=     =[/color]