2007-2-19 02:55 PM
惡魔小兔
〝＊藍海與白雲．
藍海芸……一個跟我不配襯的名字
我不像藍海與白雲般平靜
我只懂雨和雪的悲傷
我，就是天生消極
為了討得新同學的歡心
我總是笑著臉扮樂觀
不過，都好像失敗了
Chapter １ 識到朋友啦
（每個中一生都規定要參加暑假嘅夏令營，藍海芸當然都不例外。係返學校途中，佢見到有個女仔坐左係
單車路同行人路嘅中間…）
芸：你無事呀嘛？（扶個女仔起身）
女仔：頭先比架單車撞到姐，無咩事嘅！（企左起身，個人當堂唔平衡）
芸：仲話無事！？你企都企唔穩呀！我扶你番去啦！（捉住個女仔隻手）
女仔：唔…唔該
芸：係啦！同你講左咁耐，都唔知你叫咩名名埋讀咩班添！
女仔：我叫蕭可松，叫我阿松啦！我讀１A班架！你呢？
芸：咦！同班同學喎！我叫藍海芸呀！
松：真嘅！？以後唔怕無伴啦！
（２個女仔講下講下，不知不覺已經番到學校門口…）
人：我係E到嘅helper，佢仲咩事呀？（指住松）
芸：佢比單車撞到隻腳呀！
Helper:跟住我泥啦，我帶你地去醫療室！
（佢地去到醫療室，芸幫松包紮…）
松：你好勁呀，包得咁好！
芸：我小學學過呀嘛！
Helper：我幫你地報到先啦！咩班咩名？
芸：１A，藍海芸同蕭可松。
Helper：哦！包完嘅話去禮堂啦！一出去上一層樓梯就係。
（個Helper講完就走左，過左１０分鐘，芸扶松去禮堂，佢地好努力咁搵緊１A班嘅位置）
松：１A班…１A班…呀，係果到呀！
芸：係喎！
（佢地搵左個位坐低左，突然有兩個女仔對佢地喊…）
女仔：黑松露菌！
芸：黑松露菌？
松：我小學時嘅花名泥架。（對藍海芸）Pinky！（對住大喊果女仔）
（兩個女仔行近芸同松）
女仔：邊個泥架，佢好得意呀！（望住芸）
松：佢叫藍海芸呀！（對女仔）哩位叫碧琪，隔離果個係施曉銀。（對芸）
芸：你地好，叫我芸得啦！
琪：嗨！我帶左波子棋呀，一齊玩呀！
（玩左一陣，校長開始發言……）
作者的話：因為想故事快D，所以加多左幾句（事實係懶）。哩個係我第一部小說，請支持下啦！
[[i] 本帖最後由 惡魔小兔 於 2007-2-24 06:53 PM 編輯 [/i]]
2007-2-24 04:44 PM
^^傻妹妹
點a
我想睇a
po多d la
2007-2-24 09:55 PM
惡魔小兔
很久也沒玩過了
這種遺忘的感覺
是叫「幸福」嗎
我很想去擁有它
不過，我很了解
如果勉強它留下
只會取得反效果
所以我只好讓它
自由地繞著我飛
Chapter ２ 夏令營之上 好好玩呀
（四個女仔係旅行車到玩波子棋……）
芸：又贏啦！哈哈！
松、琪、銀：玩多局啦，我就唔信你鋪鋪都會贏！
（到芸下棋果陣，有個男仔搭嘴……）
男仔：行哩隻啦，唔係一間無棋比佢跳架啦！
芸：咪嘈啦，我自有分數！
（果然，過左陣，果隻棋果然係棋比佢跳，不過芸死好彩，又比佢險勝松一步）
芸：哈！唔知邊個頭先係到話果隻棋無得行，點知又行到比我贏呢？
男仔：你死好彩之嘛！
芸：之嘛之嘛……成個女仔咁，死乸形！
（正當第三次世界大戰要開始果陣，班主任——Ms岑一聲令下，大家都當場靜哂……）
Ms岑：過多個紅綠燈就到目的地架啦！大家快d汁好野！
男仔：下次你小心d呀！（凶住芸）
芸：好怕喎！
（落哂車啦……）
Ms岑：請大家快d分組，每組四男or四女！
（芸、松、琪、銀當然一組……）
芸：邊個做組長呀？
琪：我！（舉埋手）
（琪拎左鎖匙去開門……）
琪：嘩！咁多塵嘅！
芸：等我泥啦！（拎左張濕廁紙抺抺抺）
（唔洗一分鐘，間屋已經閃閃亮……）
松：嘩！一粒塵都無呀！勁！
芸：唔好講笑啦！快d擺好野去飯堂啦！
（飯堂裡……）
校長：為左比你地熟絡d，我同成班老師都整左個遊戲比你地玩。首先每組係到抽張紙，張紙上面有十種唔同嘅語言，你地要照指示去拎指定嘅物件返泥，最快果兩有禮物。如果有唔識嘅語言可以去左下角寫左嘅地方拎解釋……（刪下數百字）
（大家一聽到開始就衝哂出飯堂，芸果組同一組男仔組兼併仲留係飯堂……）
琪：我地都快d去搵解釋囉！
芸：（拎住張紙）唔洗，我識解張紙d字呀！第一公園拎橙色盒、跟住……（刪下數十字）
男仔：咁我地哩組果張呢？（遞張紙比芸）
芸：第一去泳池拎……（刪下數十字）
琪：咦！每組都係同地方唔同物件，咁不如每組派一個人同另一組果個一齊去拎，好無？
男仔組長：ok！咁我同佢，你同佢……（刪下數百字）
（芸竟然同頭先同佢串嘴果個一齊去籃球場）
x：行啦，仲唔行！（拉住芸隻手跑）
（佢地到左籃球場……）
芸：稻草人公仔…稻草人公仔…呀！搵到啦！
x：我都搵到十字架啦，走啦！
芸：哎呀！
x：又點呀！
芸：我閃到隻腳呀！
x：唉！我咩你啦！（咩住芸跑返飯堂）
（途中……）
x：你叫咩名呀？
芸：我叫藍海芸呀！你呢？
x：我叫舒可蘊呀，叫我蘊啦！
芸：哦！臭蘊……（細細聲笑住講）
蘊：你講咩話？（聽到）
芸：廣東話。
蘊：臭芸。
芸：你……（打左下蘊個頭）
（返到去飯堂）
松：咁遲架！咦！芸，你隻腳咩事呀？（扶住芸隻手）
芸：閃到姐！快d入去比d野老師睇啦！（落左蘊個背比松扶）
Ms岑：咁快嘅！真係齊哂喎！
（個個返哂飯堂……）
校長：知大家辛苦啦！已經準備左午飯比大家。一齊祈禱跟住食啦！
繼續
作者的話：加長版……當初七人日嘅禮物送比大家啦！
[[i] 本帖最後由 惡魔小兔 於 2007-2-24 09:59 PM 編輯 [/i]]
2007-2-27 12:22 AM
Ａtｈeｎa`
[box=#FFFFFF]由尼一個post開始,,往後的文章請根據 開post教學 post 文章..
請切換完整版來瀏覽圖片和連結
by athena`[/box]
2007-3-7 09:47 PM
冰冰小丸子
十卜你!!
挺好看!!
2007-3-10 01:53 PM
{離.~恨
又真係幾好睇喎..繼續post啦..