2007-6-22 11:28 PM
anTi-Y偉少=P
愛你愛到殺死你 @ 十二星座
第一位：巨蟹座
神經質嘅巨蟹人，最鍾意無腰骨，閒時嗲人嗲到暈，份人有多情，想像力又豐富，再加上之前提過嘅敏感同神經質，絕對有理由相信你會愛佢愛到殺死佢！仲要係做羅密歐與朱麗葉，攬住一鑊熟！
第二位：金牛座
金牛人出名愛得專一，加上細心同固執，相信自己「無理由佢唔鍾意我嘅！」理論，所以當要愛一個人嘅時候，你就已經喺不知不覺間開始玩黐身遊戲，當時人或者都唔察覺到，但當身邊嗰個開始疏遠你嘅時候，相信你要開始檢討。
第三位：雙魚座
因為缺乏信心，所以當甜心有甚麼風吹草動嘅時候，你就已經急不及待做足防風措施，但呢啲「風球」，好多時都隻不過係因為你嘅多疑同猜忌所引緻，身為甜心嘅佢，真係有苦自己先至知！
第四位：天蠍座
論手段，天蠍人黐身手段最多，簡直可稱之為層出不窮，招招厲害！你咁出盡法寶，無非都係你愛一個人，真係講得出做得到，再加上你鍾意控制人，分分鍾會被你嘅專制嚇親，繼而走得快好世界！
第五位：處女座
唔好俾你外表呃到，其實你係個絕頂黐身嘅人，不過你勝在高招，唔會真係以人釘人，反而會用言語、態度嚟令甜心活喺你無形嘅雀籠之中，飛唔出你嘅威勢之下，身為雀籠中嘅你，唔該得閒就反思下喇！
第六位：白羊座
話就話白羊人愛情來得快去得也快！但喺呢三分鐘裏頭，你嘅佔有慾以及無比嘅好勝心，誓要用儘任何方法把你纏上身，然後你仲會問人：「阿姐鍾意，你理我做咩？」，當然熱潮一過，亦可不帶走一片雲彩！
第七位：獅子座
獅子人喺愛情之中相信互相信任，所以你覺得跟本唔使下下Chcek住咁浪費時間！再加上你個人咁忙，你話有無時間玩做跟得夫人？再加上面子大過天，就算幾咁愛佢，你都唔會俾人知你嘅底牌！
第八位：天秤座
天秤人喺愛情裏面，鍾意嘅係追求嗰個過程，得手之後，驚喜無曬，所以要黐身到暈，相信你絕對唔係適合人選！不過有一個例外，就係當甜心同你講分手先嘅時候，你反而會咬住唔放，覺得分手應該由你講先！
第九位：山羊座
你最唔鍾意勉強人，所以要你死纏爛打除非甜心對你嘅發展好有幫助，否則要你咁做相信有違你做人嘅宗旨！但澄清一點，咁唔代表你唔識愛人，相反你要愛一定會愛得專一、愛得轟烈！但分手嘅時候嘛，……一樣堅決！
第十位：水瓶座
水瓶出名有骨氣，要你拋低尊嚴將佢奉如神明，你寧可聽聽耶穌講故仔！加上你太過理性，要分手就連嗰一滴眼淚你都會慳番，好瀟灑，簡直不帶走一片雲彩！所以，身為甜心嘅你，都千祈唔好咁傻！
第十一位：人馬座
人馬座以自信最為出名！喺你心目中，自己永遠係第一位！所以要你負責任兼將其他人放到咁大，令佢覺得好重要！相信你都好難做得到！所以鍾意你之前，一定要勸掂自己鍚自己多啲！
第十二位：雙子座
善變是雙子人的本性，要你負上責任，相信你會覺得比死更難受！要你黐住情人，相信辛苦嗰個唔係佢，反而係自己！特別是你怕麻煩嘅性格，一個唔好彩，甜心真係黐住唔放，副時你話點算？
2007-6-22 11:36 PM
MG.V_Vll
[align=center][u][color=#090000]第十一位：人馬座
人馬座以自信最為出名！喺你心目中，自己永遠係第一位！所以要你負責任兼將其他人放到咁大，令佢覺得好重要！相信你都好難做得到！所以鍾意你之前，一定要勸掂自己鍚自己多啲！
[color=#090000][/color][/color][/u][/align]
2007-6-22 11:43 PM
淑媛
第五位：處女座
唔好俾你外表呃到，其實你係個絕頂黐身嘅人，不過你勝在高招，唔會真係以人釘人，反而會用言語、態度嚟令甜心活喺你無形嘅雀籠之中，飛唔出你嘅威勢之下，身為雀籠中嘅你，唔該得閒就反思下喇！
2007-6-22 11:46 PM
aＨSky:P`
[u][b][color=Orange]第七位：獅子座
獅子人喺愛情之中相信互相信任，所以你覺得跟本唔使下下Chcek住咁浪費時間！再加上你個人咁忙，你話有無時間玩做跟得夫人？再加上面子大過天，就算幾咁愛佢，你都唔會俾人知你嘅底牌！[/color]
[color=LimeGreen]不 是 吧 `
如 果 我 愛 1 個 人 `
我 會 俾 佢 知 道 我 愛 佢 :D[/color][/b][/u]