你希望容祖兒成功挑戰梅艷芳奪取「最受歡迎女歌星」的紀錄嗎﹖

梅艷芳從八五到八九年間，連續五年奪取勁歌「最受歡迎女歌星」的獎項。當時香港樂壇女歌手實力非凡，聲、色、藝俱全，但梅艷芳卻一枝獨秀，憑著其百變形象、廣闊歌路、及在舞台上的精彩演出，以大熱姿態擊敗一眾強勁對手 (如葉蒨文、林憶蓮等)，五度成為香港「最受歡迎的女歌星」，天后地位及其實力無用置疑。

緊追梅艷芳的是葉蒨文，她從九零到九三年期間，連續四年登上香港 「最受歡迎女歌星」的寶座，當年的葉蒨文亦深受樂迷歡迎，「祝福」、「焚心以火」、「信自己」和「情人知己」等亦成為香港流行樂壇的經典，但其實在九三年，王菲憑「執迷不悔」而急速冒起，後勁凌厲，而葉蒨文在九三年的聲勢有下滑迹象，因此，有樂迷認為九三年的「最受歡迎女歌星」獎項應該屬於王菲，而非葉蒨文。但無論如何，葉蒨文在香港樂壇亦是一個不可多得的人物，亦在香港流行音樂歷史寫下輝煌的一頁。

容祖兒在零三年到零五年期間，年續三年奪得勁歌「最受歡迎女歌星」的獎項。零六年的勁歌總選舉行在即，由於鄭秀文退下火線，楊千嬅受轉會影響，陳慧琳著力開拓海外市場，因此，今年勁歌的「最受歡迎女歌星」獎項，應該是容祖兒或來勢洶洶的何韻詩之爭，但有人認為何韻詩未成氣候，因此，容祖兒還是被看高一線。

如果容祖兒今年再度取得勁歌「最受歡迎女歌星」的獎項，她便會打平葉蒨文的成績，下一步便會挑戰梅艷芳「五連冠」的驕人紀錄。

但坦白說，容祖兒可以成為天后，只因為香港樂壇具實力和叫座力的女歌手買少見少。在沒有競爭對手的情況下，歌迷唯有選擇容祖兒。
加上現時歌手攞獎，多少會涉及人為因素。所以容祖兒奪取勁歌「最受歡迎女歌星」，是否代表她真的技壓群雌，深受樂迷歡迎呢﹖

我覺得「樂壇天后」應該係聲、色、藝俱全之餘，仲要唱得、跳得、演得、有台型，兼有壓場感。
喺我心目中，真正嘅樂壇天后只有梅艷芳一人，佢唔單止兼備以上條件，仲喺娛樂圈有凝聚力同號召力，「樂壇天后」一名，梅艷芳當之無愧。

至於容祖兒，我覺得佢只係一個唱得、跳得嘅歌手，但佢成個人好似冇乜深度同內涵，講嘢口窒窒。佢唱歌有技巧，但冇味道。

所以，我個人嚟講，唔希望容祖兒繼續攞「最受歡迎女歌星」獎，因為佢嘅級數同梅艷芳相差太遠。

我好想將「五年冠」呢個榮譽留俾梅艷芳，因為佢先係真正嘅香港流行樂壇天后中嘅天后。當然日後可能會有另一位出色的天后取代梅艷芳的位置，但目前來看，我不希望她是容祖兒。

你希望容祖兒能夠成功挑戰梅艷芳，成為香港的流行樂壇女王嗎﹖請發表你的意見。

[color=Black]拎同樣數目既獎唔代表就同 1 個 level -_-"
好膚淺=________________="[/color]

我完全唔想-___-

[color=Black]各 人 有 各 人 既 鐘 意.
大 家 無 謂 貶 低 容 祖 兒 囉.
如 果 容 祖 兒 果 d 叫 唔 係 真 歌 手.
咁 Janice 果 d 叫 咩？佢 都 係 係 度 sell 潮 姐.
正 因 Joey 講 野 既 能 力 唔 好, 先 會 令 起 廣 大 市 民 既 不 喜.
但 個 人 有 個 人 既 缺 點. 大 家 點 解 要 咁 話 Joey 呢？
點 解 唔 往 好 處 既 方 面 去 睇 一 個 人 ？ 做 人 一 定 淨 睇 人 既 缺 點 嗎？
你 地 話 Joey 有 咩 楊 生 撐 先 會 咁 紅.
但 係 都 要 人 鐘 意 佢 佢 先 咁 得 架.

同 埋 依 家 樂 壇 唔 止 Joey 一 個 人 唱 得.
Janice 都 好 掂.
佢 地 兩 個 各 有 唔 同 既 style.
fans 可 以 鐘 意 自 己 既 藝 人. 但 唔 洗 踩 自 己 討 厭 的 藝 人！[/color]



[color=Red]以 上 純 屬 我 既 個 人 意 見.
如 果 引 起 大 家 既 不 滿.  sorry. 我 只 係 實 話 實 講.[/color]

Joey就算拎5次都唔可以同梅艷芳個地位一樣架啦
但相對上Joey的確百變過其他女歌手幾皮
更難得係佢可以銷量人氣集於一身 最受歡迎當之無愧
我都冇乜希唔希望 係應份拎o既
Joey可以4連都係因為天時地利人和

緊係完全唔希望喇,,
我唔覺得佢唱歌好聽囉> <

容祖兒個styLe 完全唔同梅覬芳.

其實佢拎獎.
本人認為只係冇其他競爭
冇其他 歌手比人打造成樂壇天后的形象
因為佢平時表演 冇走音, 表演到cd 入面把聲 姐
但係好多其他歌手LIve 成日走音
好似人地幾晚係度食薯片咁囉
所以睇LIve 都真係冇咩突破

佢把聲ok GE..
但係本人都係認為佢把聲冇咩唱功囉

反觀以前, d 歌手個個都係LIve 好過CD
呢D 米 就係D 歌手成日講GE 香港樂壇直插谷底囉

而家最好GE 歌手開LIve 都僅僅唔走音
( 再戰樂壇果d 唔計)
d 觀眾就拍晒手掌叫好叫座..
所以咁多闊別樂壇的歌手番黎咁紅 就係咁解
香港 樂壇都冇咩人才-.-
人才 有GE, 小囉

......到底香港樂壇..

[[i] 本帖最後由 BINBOM 於 2007-7-23 09:47 PM 編輯 [/i]]

[quote]原帖由 [i]BINBOM[/i] 於 2007-7-23 09:43 PM 發表
容祖兒個styLe 完全唔同梅覬芳.

其實佢拎獎.
本人認為只係冇其他競爭
冇其他 歌手比人打造成樂壇天后的形象
因為佢平時表演 冇走音, 表演到cd 入面把聲 姐
但係好多其他歌手LIve 成日走音
好似人地幾晚係 ... [/quote]
人才其實唔少 只係比d冇實力既[歌手]搞到佢地沉晒底
紅極都紅唔起
無奈香港太多人鍾意睇樣做人
唱live唱到走晒音都可以迷到佢癲
呢個係樂壇衰落既其中之一個原因=__=