我每夜向天禱告不要再愛她,為何上帝不願細聽?





為何要對我如此殘忍?每日都睇住妳與他好,我卻無法開口也不能逃避?

每日睇住鐘意ge人投向他人懷抱,知否對我而言係一種折磨?




由一開始我就暗戀妳呢個同事,我無做離開左之後,妳話比我知妳份工做得好辛苦!


係我唔忍心見妳每日都唔開心,千方百計介紹妳入我新工司做我partner!


幾經艱苦!終於如願以償!


入左新公司,妳同我拍住上,我見妳真係成個人越泥越開心,笑容多左,面口都好左!


見到妳咁樣,我真係覺得好開心好欣慰!





但係有一日,妳竟然同我講妳其實已經結左婚!仲同老公一齊排緊公屋添!


知唔知個一刻我有如五雷轟頂!腦海一片空白?


我歇力恢復鎮靜,或者係個一刻妳已睇穿我心意?


我諗唔通猜唔透點解妳要話我知,祇係默默咁幫妳保守呢個秘密唔同任何人講........

傷心痛苦過後諗通左,於是疊埋心水做好朋友!

我真係做得好成功嫁!連我自己都放低晒!

我地兩個乜都雞啄唔斷,有時一齊食飯都傾得好投契!妳有時講佢同佢BF d 生活鎖事,我一d都唔介意,仲比好多意見妳添!

作為好朋友我都覺得好開心,亦都無其他所求!

我唔想搶人老婆,所以我一直以泥都無越過好朋友呢個界線,我知妳亦好信任我!

但係妳講左之後都仲一直有意無意咁做d好close ge行為,如貼住我一齊行路,把口就雞啄唔斷係咁講野,放左工又話無地方去,叫我一齊行商場,又話鐘意玩扭蛋機同攤位遊戲,帶我同妳一齊玩,不過分開比錢...

我唔知妳點解會咁....

妳係有夫之婦我係鐘意左妳之後先知,所以好多時我都刻意劃清界線,唔比任何signal妳知我鐘意妳,其實我心中千萬個唔願意!一齊食野一齊玩,我知妳睇我反應,但係我都各自比番錢....妳電話無電要拎去7仔叉,我見間野無得叉,為左唔比妳懷疑我無拎去第二度再試...妳胃痛我提妳食粥但係無帶妳去食...


我苦苦克制自己,就係唔想破壞妳ge婚姻!要追妳我可以做多好多野,但係我無做過.........


但係點解係呢個時候,我上司竟然開始追妳?


既然我祇當妳係好朋友,何以我會心如刀割?

最初個陣,妳同我講妳已經拒絕左佢,我覺得好放心...........


但係之後,佢仲更加發力去追妳,妳同我講妳唔會動搖,何以妳行為上又越泥越受落?


睇住妳沉淪落去,我難過得要死,但又要係人前扮無事............而事實上祇得我一個係度枉作好人,從來無開口比妳知我心意,祇係自己係度堅持唔做人第三者!至少我係度努力嘗試....


妳同我講妳不會愛我上司,因為佢細妳8年,但係我睇到ge又完全係另一回事!


每日返工,妳同佢之間都有新ge進展.....


情人節佢買朱古力比妳,又摺金莎花,仲要餵妳食.......

到後來兩個人一齊食同一個飯盒,比人睇到一齊放左工去公園坐,係我面前攬腰...........


一切一切全部都好似捅完我一刀又一刀咁!但係我仲要扮無野扮起哄,其實心在滴血!



後泥我先知道妳結左婚呢個秘密,妳同樣都話左比佢知!


點解妳仍要接受佢?我仲應唔應該堅持做個祇有自己先知ge好人?



苦難幾時先會完結??


為左討好佢,妳開始疏遠我,點解會搞成咁,連友情妳都不願施捨給我?

作為情人,我無咁ge福份........理智叫我唔好咁做...........

作為朋友,我比人捨棄左!

當初我所造ge一切,連友誼都得唔到?

唔係自己想去強求,係唔甘心!自己付出ge感情同友情,都不再有意義........

[ 本帖最後由 ian2910 於 2007-4-14 11:28 PM 編輯 ]