大家千祈米參加發×行的所有大陸旅行團、浪費自已的寶貴假期、呢間野跟本無做旅行團的能力、祇係賣你豬仔比D大陸平價旅遊公司、同D大陸北方人一齊、但係佢地收足香港收費、報團時仲話要連小費都要即時比埋、已經feel到有問題、根本就知道我地實唔滿意，嚴重的交通安排失當！
事發係初二一團韶關溫泉及湖南衡山三天團。

1)四十人一團都無一個香港領隊、過關後只有一個大陸仔來接、小費預先比晒、佢都無你咁好氣、旅遊景點唔講、一講就全部講錯晒、一上車就嚇你地邊度唔好去、治安差。
2)團餐完全唔係章程入面講果D地道風味餐、只係話果間餐廳好忙、我地食唔到、要改其他垃圾餐廳、一D江湖地位都無、去到其他餐廳原來係食垃圾、全團人都無食野、
3)天寒地冷去到果個垃圾叫“”曹溪溫泉酒店“”當時氣溫得5度、房間連暖氣都無、全團人都話成晚無睡覺，太冷！成間酒店除左自已團友就完全見唔到有香港人、溫泉都係、甚麼中旅社..美麗華...永安..康泰.....、一間都無見過、新年假期根本無可能、根本間酒店係做內地平價團，真大獲！
4)最重要係坐武廣快線去到湖南過一晚、等二朝六點要上衡山、個所謂導遊話怕人多、早D去、上到山話叫我地唔好停留、要馬上落山、話無晒時間要趕火車、連影相都唔得、看見滿山雪影唔影相點得、就同佢理論、最後都係比你十分鐘時間、D雪想看多眼都唔得、趕去火車站途中仲係亡命飛車、去到火車站見到另外一團都係發達行慨團、都話呢間野不知所謂、以後都唔會再光顧、原來咁趕落山係因為。訂唔到晏D慨車票、個個團友都話咁就通知客人成唔到團啦！咁樣旅行不如唔好去，

以上都唔知新年已經有幾多人中招、但係都寫出黎希望唔好有人再中、搵旅行社真係要搵D出名D既、唔好浪費假期、貴D都唔緊要，

如果你係好奇心想試下呢間野點垃圾法、你可以參加、或者有D大仇口朋友可以介紹比佢、真係乜仇都報晒。

完  22-2-2010