前幾日經開觀塘apm接到日本餐廳白木屋的宣傳單張，介紹中用來打頭陣的是$48午市自助餐。口痕友見到即話：「自助午餐？係唔係只得沙律係自助任食種呀？埋單肯定唔止呢個數啦！」又係，好多食肆都用一個超低價吸引你入場，結果埋單嚴重超支，確實過火屎！今次我決定走入去試食，睇睇又係唔係間呃錢!

未食先畀$48∼夠均真！門口未踏進侍應哥哥已向我收錢：「我係要客人先畀錢，多謝你48蚊，可以任飲任食60分鐘。」$48無加一，果然夠均真，畀完錢就可揀個靚位開動腸胃。對一般上班族而言，60分鐘吃個飽飯根本綽綽有餘，而自助餐是由早上11時開始至下午3時，定必meet到放飯時間。

廿幾款肯定回本冷、熱盤、前菜、主菜、甜品加加埋埋有成二十幾款揀，回本必食除了原價$68的魚生飯外，首推從日本運來的手打烏冬及秋刀魚。至於香港罕見地道家常菜如關東煮、酸汁水餃和菠菜厚蛋一定要食多幾件。至於飲品方，自助餐會不定時提供巨峰提子乳酸或橙味乳酸、無糖茶及本人推介的香濃咖啡任飲。一口特飲一口特製甜點，好滿足呀！

裝修玩高檔約有200個座位、佔地4,800平方呎的白木屋，食物價錢相宜，但裝修一D都唔馬虎！

食 客 食 評 白 木 屋 居 樂 屋
地 址 ： 觀 塘 道 418 號 apm 商 場 L6-3
電 話 ： 2561 8188
營 業 時 間 ： 上 午 11 時 至 凌 晨 2 時
自 助 午 餐 供 應 時 間 ： 星 期 一 至 五 上 午 11 時 至 下 午 3 時 （ 任 食 60 分 鐘 ）
收 費 ： 成 人 $48 ， 12 歲 以 下 小 童 $24 （ 不 設 加 一 服 務 費 ）

呢d buffet好多都呃錢架-.-
我去過幾間,,都係標榜1個鐘任食..
但係好多講明有既食物都冇 -0-
淨係得d好checp既炒飯呀,,麵呀..
令d既蛋糕甜品都冇 ~"~

我d fd 都食過,佢話唔錯的,
遲d 去食下先