qqwry
嬰兒上路
會員編號 488112
精華
0
積分 116
帖子 66
威望 0 點
I-See幣 780 錢
GAME幣 100 個
口水 116 滴
MSN宣傳 0 次
性別
 女
配偶 未婚
閱讀權限 40
註冊 2011-11-9
註冊天數 4573
狀態 離線
|
|
|
可以處理歐債危機? 曾狗狗口出狂言
特首曾蔭權喺瑞士達沃斯出席世界經濟論壇，口出狂言，話如果歐債危機要爆，最好喺佢任內爆，等佢可以處理，唔好等換屆時發生增添麻煩。佢表面上睇嚟好似好有承擔，其實根本就係自大兼戇居。
曾蔭權呢條友，過去十幾年來無甚建樹，終日緬懷 98年入巿買咗千幾億股票擊退大鱷一役，不時掛在口邊，認屎認屁，講咗十幾年講到連自己都信埋，以為自己真係當年令香港安然度過亞洲金融風暴嘅功臣！其實根本係吹牛！
97年 7月，泰銖首先被大鱷狙擊，泰國央行去頂，瞬間輸清外滙儲備，作為當時財政司司長，曾蔭權仲矇查查。接着大鱷狙擊菲律賓披索、印尼盾、南韓圜，以及同美金掛鈎嘅港紙，港府開始知驚，金管局將短息挾上千釐趕走熱錢，點知股市亦一齊被推冧。大鱷發現新財路，索性先空期指然後狙擊港紙，引金管局挾息，到時股市大跌，沽空嘅期指就賺大錢。牛刀小試發現提款機果然㩒到錢，大鱷於是便部署大舉來襲，企圖一鋪煲起香港。港府當時仲唔警覺，當人冇到，直至大鱷已經大量借入咗港紙，又借埋大堆股票，落手洗劫香港時，政府先至警覺，賭一鋪去狂接大鱷拋出嘅股票，頂住恒指，令大鱷不能得逞。政府內部人士都知，如果當年大鱷唔係在俄羅斯損手，有更多錢來 show hand，外滙基金唔知仲夠唔夠錢接貨！咁後知後覺，曾蔭權仲唔知羞恥仲好意思認屎認屁，點唔叫人激氣？
更何況，香港係一個咁外向型咁自由嘅經濟，港紙又同美金掛鈎，滙率和利率兩大經濟調控工具都唔喺政府手上，沙膽虹想問曾特首，你有乜嘢咁巴閉，可以處理歐債爆煲對港經濟影響？最多咪財政上使多少少錢，作用好有限啫！ 2008年美國次按及雷曼爆煲引發嘅金融海嘯，股市跌三分之二，樓價跌一半，其後美國狂印鈔，全球揼水，阿爺狂花四萬億，香港樓股先升到飛起。關政府乜事吖？
作為特首，如果真係對歐債危機引發嘅風險從未如此咁驚過，就更加唔好令香港人誤會政府咁掂，可以救佢哋出火坑；寧願叫投資者減債，唔好咁勇去投資，綁好安全帶。
|
| I-See Forum @ All rights reserved. |
|
|
|
加入我的最愛 | 
設定為首頁 | 
圖片上載
論壇音樂模式 
非音樂模式 
