|
我同呀謙咁樣維持左一個星期,今日, 我地出黎一齊食飯
「呀希呀,你諗唔諗住返hk呀?」呀謙突然問我, 我呆左
我對呀謙笑左笑,繼續食野「我唔多想返」我講
當呀謙要追問落去個陣, 呀謙電話響
「邊個呀?」呀謙嬲嬲地瓜
「做乜呀?」
「唔可以」
「即刻返返去」
「我嗌左你唔好黎架啦」呀謙呢句, 係命令
「你黎左唔好黎搵我」
「我都唔會理你, 係咁」呀謙CUT左線
「邊個打黎呀?」我問
「呀靜」呀謙口快快講左出黎
「哦,佢要黎搵你呀?」我問, 呀謙點點頭
「佢話,佢呀媽要佢出國讀書,佢味簡黎法國羅」呀謙講
「佢幾時黎呀?」我問
「佢依加係機場」呀謙望實我,佢好驚我有乜異樣
但係咁, 我就愈做得放鬆
「做乜咁望住我呀?」我問「我冇事喎」
我己經學識平靜咁面對呀謙, 我係呀謙身上,己經再無刺激兩個字
「放心啦,見到佢,我會同佢講分手」呀謙講
「事情未必有咁簡單」我講
我地食完野, 我地行左一陣間,就各自各返左屋企
當晚
「呀希,屋企冇鼓油啦,幫我去買呀,今日你呀表哥我大顯廚藝,煮餐好既俾呀文食,嗯嗯嗯,佢返黎見到,開心得濟,以身相許,挖卡卡…...」呀晴又係度發白日夢
「食狗屎啦你,依加成九點啦,你要我一個出街?仲有呀,呢度離SUPERMAKET咁遠, 我唔想郁呀」我講
「你就食狗屎,白食白住我既,幫我小小野都唔得?」之後呀晴UP左一輪佢既偉論之後
我為左我既雙耳前途,拿拿淋出去幫佢去買
頂,好凍呀!!依加零下幾度係呀?仲有大排路末行呀!!死人頭
係都要我出黎買,凍呀
行行下,聽到有對情侶係度鬧交
我呢,就唔係D八卦之人
於是我冇理佢啦
佢就愈鬧愈大聲
「杜文謙!你有冇搞錯呀?」女既大嗌
咦?杜文謙? 我即刻拎轉頭
呀靜?佢黎到啦?
唉,仲以為黎左FRANCE, 我可以靜靜地生活
但係佢地就係要黎擾亂我既生活
我喱係枝柱後面偷聽
「總之, 我係反你架啦,你以後唔好俾我見到你呀」呀謙講完拎轉身走人
「你走呀,走呀,走左我就自殺」呀靜係度威脅呀謙
佢係唔清楚呀謙, 呀謙最唔鍾意被人威脅
「好呀,你死左都唔關我事啦」呀謙冷酷咁講
「好!」呀靜拎左把介刀出黎,諗住吉落去
「唔好呀」我衝上去,阻止呀靜, 呀靜同呀謙都為我呢個動作而驚訝
我搶佢把介刀,掙扯之中, 呀靜錯手介到我, 我並冇理個個傷口
「你冷靜D呀!」我同佢講
「關你乜事呀?最衰個個味你羅! 係你我先咁架扎」呀靜講
「我地冷靜楚低傾啦,萬事有商量呀」我講
「呀希,你放手啦,你隻手流血呀, 唔好理佢啦」呀謙講
「你唔好再講啦,過黎幫手啦」我嗌呀謙
呀謙呆左一陣,行黎一野搶走把介刀
「俾返我呀!」呀靜嘗試搶返,但唔成功
「走, 我地去間野都講清楚」呀謙帶頭行
我同呀靜互相望左一陣, 我睇得出,佢既眼神,包含左仇恨......待續
|
加入我的最愛 | 
設定為首頁 | 
圖片上載
論壇音樂模式 
非音樂模式 
