想變令<3. Come ba`[基本知識]!
1. 搽潤唇膏
等個嘴吸收晒d 潤唇膏之後搽個個lip gloss 就會好貼個嘴架la~
盡量唔好用潤唇啫喱啵(特別係搽o左之後會玻璃嘴個d)~
用返潤唇膏好d~~就算要用潤唇啫喱都搽薄d~~
2. base 呢個步驟唔可以冇架~~仲有一定要搽晒成塊面~
base ge 作用係幫你均勻返d 膚色同埋將皮膚同d 化妝品隔開~
等d化妝品無咁hurt 皮膚~
仲有~唔同色ge base 有唔同功效架~
藍色:可以令膚色白d,同埋增加皮膚ge 透明感( o岩d 膚色黑d ge 人)
綠色:可以消除d 紅印(暗瘡多d 人用)
粉紅色:用O左膚色會紅潤d(o岩晒個d 塊面成日面青青d 人)
肉色:平衡返d 膚色(皮膚靚個d 人最o岩用)
紫色:膚色黃個d人用多
白色:用黎溝色
如果係d 有暗瘡ge 人可以淨係搽綠色base 係d 暗瘡位度~
成塊面搽會令個妝白過頭~其他無暗瘡ge 位可以搽返透明或者其他有色ge base~
3. 粉底 有分two way 同濕粉
two–way ge coverage 會高d,而濕粉就比較貼面
如果要將two-way 濕用的話~要用左遮瑕膏先~之後再上two-way
用two way:噴d化妝礦泉水落個粉撲度先
然後就印落粉餅度之後上落塊面
之後唔洗再上碎粉~不過2way 用黎補妝會好d~
依家市面上ge two-way 大部份都有防曬~所以上妝之前可以唔搽防曬~
濕粉: 最好用手搽~因為手指ge 熱力可以令到d 粉底更加貼面~
或者可以用菱形粉底海綿/斜粉撲(三角形粉撲)搽上面
方法係擠d粉底係海綿上
然後將粉底印上面~之後再用海綿推開佢
濕粉ge 好處係可以令個妝做出黎ge 效果比較薄~
4. 遮瑕膏
輕輕係想遮ge 位印兩三下~之後推開佢~千祈唔好死印~
同埋遮暇膏乾得好快~搽o左之後要盡快推開佢~
或者可以用concealer brush~令遮瑕膏更貼面~
不過如果用concealer brush搽遮瑕膏的話~上完之後最好用手指輕輕印下搽左遮瑕膏d位~咁做可以令遮瑕膏更貼面~
5. 定妝
用o左2-way 可以skip o左呢一步佢~
but 用濕粉就一定要有呢個步驟~
可以用乾粉,碎粉同蜜粉黎定妝~
乾粉好似2way 咁架~不過佢唔可以當2way咁搽~
只係適宜用黎定妝
蜜粉好似碎粉咁~不過唔夠碎粉咁好~
碎粉係三樣之中最好用ge~可以hold 得個妝耐d~
仲可以keep 住個妝成日都咁爽~
用完碎粉定妝~可以用礦泉水噴一噴~等個妝自然d~
6. 眉
可以用眉筆或者眉粉不過用眉粉會比較自然
晝完眉可以用眉gel 定一定個眉形佢~等d眉毛企返起身~個人睇落都會精神d~
眉gel 仲可以用透明ge mascara 代替
7. 光影 陰影
覺得自己塊面肥可以靠打陰影黎解決問題~
方法係用比你所用ge 碎粉深色一度ge乾粉,粉條或者用啡色無閃粉ge 眼影
想塊面睇落尖d 可以用啡色眼影由腮位一路輕輕咁印下巴位~
切記唔好一落就好多~應該逐少咁加~印完之後就要用掃掃返勻佢~
覺得個鼻唔夠高都可以靠打陰影黎解決~方法係將乾粉用手指印上鼻翼位度~
乾粉只需要少量已足夠~印上後用掃掃返均勻佢~
highlight
highlight係令面ge輪廓更加突出~
用光影粉,淡黃色眼影或者白色眼影黎做highlight 效果~
可以係鼻,眉骨,額頭眼尾等等ge 地方打highlight~
用掃均勻咁掃上你想highlight ge 地方就得~
8. eye shadow
可以買d 深淺色ge eye shadow~
驚隻眼個位出油可以搽多d碎粉係眼窩位
搽左淺色ge眼影係眼窩位~之後再將深色ge 眼影搽係雙眼皮位~
9. 眼線
可以用筆or 液體仲有眼線粉~
冇閃粉ge eye shadow 都可以畫到~
最好就一筆過畫~咁會自然d~~
用eye liner blush 掃d 眼影之後係生眼睫毛上d ge 位畫就ok~
可以sasa 卓悅個d 試下~~邊隻好就買邊隻~~
10. mascara 用睫毛夾兩三下之後再搽mascara
搽完之後會起粒粒可以用眉睫掃梳仔個邊梳一梳佢~ d 粒粒就會唔見晒架la~
覺得搽完mascara d 睫毛唔挺可以用睫毛夾再夾一次~
基本淨係搽long同volume就ok~~
下面d 睫毛都可以搽~不過唔適宜搽得太長~因為咁會搞到個妝好誇張~
11. 胭脂
有分cream 狀液體同粉狀ge 胭脂~~不過粉狀做出黎個效果會自然d~同埋易控制d~
上粉狀胭脂的方法:係顴骨位由內到外咁掃~掃上胭脂ge 時候可以微笑~
微笑時顴骨突出ge位置(即係蘋果位)就係胭脂要掃上ge位置~
上液體胭脂的方法:擠出足夠ge 液體胭脂係手掌上
用無名指取少許液體胭脂~然後將胭脂輕輕印上突出ge顴骨
然後立即將胭脂推開~重覆咁係顴骨位做兩至三次~
皮膚白淨ge 人可以用d 粉紅色ge 胭脂~
相反皮膚比較黑ge 人就要搽d 橙色個d胭脂~
12.唇
搽o左lip stick先~之後再搽lip gloss~兩者ge 顏色一定要接近~~
咁搽可以令到個嘴令d~
可以淨係搽lip stick或者lip gloss~
搽完lip stick 可以試下搽max factor水凝滋潤膜[moist clear coat]($108)
之後個效果好似搽lip gloss 咁令~
|
加入我的最愛 | 
設定為首頁 | 
圖片上載
論壇音樂模式 
非音樂模式 
