所謂見過鬼會怕黑，睇怕呢句說話唔多適合用係我身上。當然喇，係燒野食之後一兩日，我都會有所忌諱，無論早午晚，都總係覺得有人係我身後尾隨著我，加上我得知阿乙同阿丁病左，就令我有所質疑，幾時會輪到我。不過，好快，時間�}淡左呢件怪事，我都開始唔再點驚。然而自己都知道，當晚我地隻係「趕走」左果兩婆孫，當然會有下文吧。豈料，緊接住上文既呢段下文，係過左整整三年之後先至發生，即係今年既六月左右，而我經已十七歲喇。

　　某天早上，我收到阿乙個電話，佢同我提議再去一次馬鞍山，仲話帶埋女朋友黎。我呆左好一陣，如果唔係阿乙呢個電話，我根本已經忘記左撞鬼既恐懼感覺。三年了，大概阿乙又有點「身痕」想再去一去探險。我本身唔想再惹埋呢�躝F界鬼物，點知一問女朋友之下，佢竟然對馬鞍山好有興趣。咁好吧，就去一去吧啦。係去之前果幾日，我不斷搵有關靈界既資料，一查之下，原來人死了仲留戀世上，仲要周圍嚇人既話，足以證明此人死時好大怨氣，好大不滿。而我自己係今次經歷中，足以明白鬼魂果種莫大既怨氣。

　　我係去之前果晚，出奇地打左比阿甲，同佢講我又要出發喇。豈料換來佢既一番憤怒，佢鬧我唔識死，唔知咩叫「見過鬼會怕黑」。雖然佢咁鬧我，但我始終無理到佢。第二日先同女朋友會合，去到既時候，我見到阿乙同佢女友成身十字架，我呆左一呆，問佢做咩搞到咁，佢話保障一下姐。夜晚七點鐘，我地兩口子同阿乙兩口子，一共四個人，開始出發。

　　我地先行過一條斜路，已經開始聽到左邊長草堆既草動聲，仲愈黎愈大聲，好似有個人係長草堆裡面蠕動咁。我行最前，突然企定係度，望住堆草，女朋友先過黎問我咩事，我無答到。不久阿乙兩口子黎到，又問我同樣既問題，我心諗咁快有料到，實在太令我心亂，我隻係好冷靜咁問阿乙：「你聽到嗎？好明顯呀。」豈料阿乙問番我：「做咩？聽到乜野？」我指住堆草，說話比較緊張：「草動聲，果堆草分明收埋左個人係度，不如走啦。」點知個個都耍手拎頭，話無聽到任何野，仲話我神經過敏。

　　可能我真係神經過敏，所以都繼續行，但係我一面行，草動聲係愈黎愈明顯大聲，佢地根本無理由聽唔到。入黑喇，我開始拎住個電筒，一面照住一面行。我地分散位置去行，而女朋友就係山路中心行緊，突然間我照到前面有部紅色的士迎面而來，正快要撞向女朋友度，我立即扯佢過黎，大叫一聲：「有車！」佢被我扯左過黎，竟然仲好似唔知情咁問我：「做乜事？」我諗爆個腦都唔知咩事，最好就係搵人求證，於是我問阿乙：「喂，你見到既，頭先有部的士。」阿乙答得好奇怪：「咩的士？」

　　一次係咁，無理由第二次都係咁。我向後一照，都照到架的士正向山下方向騎去，我拿拿臨指住部的士，話：「咪果部囉。」阿乙未出聲，女朋友問我：「你指緊乜野？果度係草堆黎。」我當堂成個人呆唒。究竟發生咩事？點解我見到人地見唔到既野？突然間，我聽到有一把陌生既聲係耳仔徘徊。

　　我聽到有把我從未聽過既聲，聲源好近，大概果個人就企緊係我面前。「借問聲，去礦場係邊條路呀？」我立即轉頭，見到果個人正戴住漁夫帽，所以睇得唔多清楚究竟佢係咩樣。我見時機已到，所謂機不可失，我一手抓住果個人既衣領，仲有電筒照實佢，趕緊問其他人：「你地見唔見到佢？你地見唔見到佢？」女朋友即刻鬆開我隻手，話：「放手先啦，嚇親人喇！」阿乙笑住同果個人講：「唔好意思！」我得知佢地見到果個人，都立即鬆開雙手，同佢道個歉。然後指一條去礦場既路比佢。

　　當時都已經夜晚七點半，咁夜仲去礦場，確實有點可疑。馬鞍山礦場係位於馬鞍山往富安既一段窄路旁邊，細個聽父母所講，礦場早在七八十年代因為一場爆炸而被荒廢，當年失驚無神一場爆炸，死傷者、活埋者無數，而救援工作都做得好慢，所以直到現在都一直鬧鬼。果個人咁夜仲去礦場，究竟所謂何事？不過值得慶幸既係，就算果個人唔屬於呢個世界，但係都有其他人見證住果個人曾經出現過，突然發覺自己彷彿得到人地既支持。鼓起勇氣，拖住女友既手，四個人拍埋一齊行。

　　我地終於行完果段極斜既山路，前面有街燈照住，澄黃一片，女朋友建議係街燈前面影下相，我話好。於是女朋友同阿乙個女朋友一齊影幅相，由我�馮驉C我望左個鏡頭好耐，睇下有無異象，好慶幸：無！我好開心咁一連影左幾張，影完之後，我最先睇番�欓菕A竟然比我發現，鏡頭中竟然有我個人企係度，而且同女朋友同阿乙個女朋友隔得好開。我呆左，立即遞部相機比阿乙睇。阿乙竟然仲話：「影得幾清喎！」

　　我開始覺得好似有�釂A野係度淨係玩我一個，如果我而家因為咁樣而發顛既話，個個人甚至包括女朋友都會覺得我係�◢苤A唔通就係果兩婆孫？不過我仲有一點唔明，三年前，阿乙都見識過果兩婆孫既真面目，點解唔比佢聽到�灝饇岏n？點解唔比佢見到架紅色的士呢？點解唔比佢見到鏡頭裡面有我係度？當時，我好肯定自己無眼花，仲睇得好清楚。我隻係想知點解，果兩婆孫唔比阿乙知道真相，要將佢蒙在鼓裡。

　　我遞部相機比阿乙，阿乙竟然當無事發生，仲話�欓蛩v得好清。我知道自己比「人」玩，所以都無再追問落去，不過其實我已經好想走，順手丟埋部相機佢。我地再向前走去，終於去到我之前第一次見到阿婆既地方，即係寫有紅色佛字既大石上，我略略咁照一照舊石，好彩無咩異象，隻係見到個佛字有脫色既痕跡，畢竟已經三年啦，總會有點殘舊。我地四人一同企係舊石前面，阿乙就笑住話：「咁夜啦，無謂上山喇，行果條路算喇。」然後佢隨手指住一條路。我大概估到，可能佢仲對三年前既驚嚇情節難以忘懷，加上天都黑齊，仲上山遲早出事。不過，我認為，佢提議行既果條路，驚嚇程度絕對唔會比上山果條路低。

　　我之所以咁講，係因為佢提議行既果條路，我之前都略有所提。果條路就係延伸至富安，中間有個己荒廢且鬧鬼既馬鞍山礦場果條窄路。果條窄路，就算係朝頭早，都未必會有人行，因為果條路窄到隻可容許一個人行，兩旁又長滿長草。就係呢條路，我地終於遇番三年前果個阿婆。

　　我地開始行入條窄路度，由於阿乙提議行呢條路，所以由佢帶頭，我係第二，另外果兩個女仔係後面，前後手拖手咁行，我諗唔係怕鬼，隻係怕仆親。我地咁行，本來都相安無事，我見到前面有個人影向住我地方向行緊，逐漸行緊埋黎。我見到佢，當堂呆左，真係好想搵窿損，避開佢。迎面而黎果個人，正正就係三年前猛叫我地幫佢執波果個細路仔。我對上果次見佢，佢係郁唔到既，而家佢竟然識行識走，手中仲拎住個搖搖玩緊。

　　我知道個細路可能會認得我，如果比佢認得，都應該唔會有好野發生，於是我立即低著頭行，費事比佢見到我。同時間，我細細聲叫帶頭既阿乙低著頭行，佢問我點解？我心諗佢九成九一定見唔到個細路啦，於是我同佢解釋，並且叫佢讓路，佢話就：「有無搞錯呀？我見唔到前面有人喎。」我心諗佢見唔到個細路姐，佢再唔低頭行，個細路一定會見到佢。我再三勸阿乙，阿乙依然唔肯低頭、唔肯讓路。弊！我地終於比個細路發現。細路盯左我地一陣之後，當無事發生，繼續行。行到阿乙前面，佢走左入左邊長草堆度。

　　我又心諗，佢可能讓路比我地，先至自己走入長草堆度。我地一行四人繼續向前行，突然間係我耳邊聽到把有回音既聲，大約係講以下既一句說話：「哥哥，教我玩搖搖呀。」我心中寒左一寒，流左眼淚，一時未能夠出聲。不過已經聽到帶頭既阿乙大喝一句：「邊個講野？」

　　如果係咁既話，阿乙好大可能聽到把細路仔聲，我扮唔知問佢做乜，佢話聽到把細路仔聲。我好開心，不過同時覺得自己好黑心，我竟然係因為阿乙「撞鬼」所以先感到安慰。剛剛想喊出聲，不過都制止到淚水。我地繼續向前行，隻不過係聽到左邊長草堆草動聲愈黎愈大，真係好似收埋左個人咁。我突然間個心寒左一寒，跟住就聽到後面有把女仔聲，原來係阿乙個女友話草會吉肉，令佢好痛，我都順水推舟，同阿乙講，不如行返轉頭走啦。阿乙當然唔受理，仲話要行完呢段路為止。

　　夜晚八點半左右，我地已經行到一條比較寬闊既路，亦都再無長草堆，不過我既心情，依然非常之唔好，總係覺得有人跟住我地四個咁，同之前剛剛燒野食之後果一兩日個感覺一樣。不過我四圍望，又見唔到有特別野，今次可能真係隻係神經過敏。不過，我地再行多一陣，就正式經過平日都幾鬧鬼既一度地方，即係馬鞍山礦場。我突然間心諗，即使過左咁多年，可能我腳底下，就係一具具未經發掘出黎既屍體，我又再一次想走。呢個時候，女朋友問我呢度係咩地方黎，我就隻係答礦場，並無講其他野。

　　似乎我自己開始被某東西吸引住，礦場前有一棵小枯樹，樹下遍地黃葉，原來係呢棵小枯樹，不斷係度震，先至會令黃葉落地。我地靜左好耐，阿乙就無端端出聲：「咩事？」我被佢嚇左一跳。阿乙停低係度，再一次問我，做咩望住棵樹咁入神？我果陣先發覺，枯樹上有條粗枝，正勾住一頂漁夫帽。

　　我震左一震，退後兩步，指住棵枯樹示意叫阿乙佢地睇下。佢地一齊掉頭睇睇，跟住話：「有咩睇？」我寒左一寒，好明顯隻有我見到。然後我叫佢地快點走，而自己就趕唔切咁帶頭行。可以一提既係，途中我見到好多黑鳥飛黎飛去，我唔知佢地根本係不嬲住係度定係點，唔再理得咁多。突然間，身後傳來阿乙喝止我既聲音：「咪行咁快啦，有電話搵你。」我呆左一呆，第一個感覺係：有電話搵我？

　　我睇得鬼片多，而家咁既時候，所接到既電話都唔慌係好野。我手都震唒，慢慢接過電話，再聽，對方率先講句：「你地果然真係去左。」我一聽之下，原來係阿甲，我欣喜非常，突然好似多左安全感咁，我好想將而家既所見所聞同佢講。我未講，佢就話：「原來你地真係再去多次，有�蠷嶀艂A地。」我聽到佢咁講，感到好欣慰，我就立即講：「我又見到鬼，而且其他人睇唔到。」我想講埋落去見到乜野，突然部電話沙沙聲，有把男人聲傳左出黎：「唔好，洩露。」我當堂拎開部電話，竟然見到同一頂漁夫帽就係腳邊。我唔甘心比「佢地」玩，一腳踢開頂帽去草堆度。

　　我再掉頭比番部電話阿乙，點知佢同緊佢女友影相，我女友負責�馮驉C我一手拎走部數碼相機，同阿乙兩口子講：「咪影呀，有個男人係附近呀，頭先問路果個呀。」點知阿乙答我：「唔出奇呀，我記得佢都係黎呢度。而家係邊？」我答左個好�╞J既答案：「係你部手機度。」

　　阿乙唔係好明我講乜，隻係話：「阿甲要我地返去個紅色佛字大石果度喎，佢話我地而家呢度好危險。」我笑左一笑，我都認為呢度比較危險，返去都係一個好既決定。之前我成日形住形住有「人」跟住我地，我覺得會係果頂帽，即係我地上山之前向我地問路果個男人，不過頭先我已經一腳踢左佢頂帽走，應該都唔會再有咩問題。一面向番相反方向行，阿乙就覆述番阿甲既說話，點解返去紅色佛字大石果度會比較安全。

　　原來，大約四五年前左右，有一對姊妹上山走走，就係果舊大石果度，發現到一隻女鬼，果隻女鬼當時做緊乜野已經無從考究，而果一對姊妹被嚇到以後唔敢再行馬鞍山。再一個月後，有個男人上山，亦係同樣既地方，發現果隻女鬼，佢始終係個男人，膽大，所以唔驚，朝早就係果舊大石上面，用毛筆大大隻寫上一個「佛」字，以祈求山上平安，冤魂得以安息。我以為阿甲純吹水，於是再問阿乙，阿甲點知呢舊紅色佛字大石既起源既時候，阿乙都話唔知。所以我一定要搵日親自問問佢。

　　我地又再走近馬鞍山礦場，當時已經九點，四野漆黑，點知我地前面有個工人同我地講：「細路，呢度夜晚黑時候好危險架，快少少番去大路度喇。」我地都笑左一笑，講聲唔該，佢又逐個逐個同我地笑一笑，以示禮貌。哈，我估唔到一個工人會咁有禮貌，實在少見，佢同我面對面果陣，隻係冷冷冰冰咁點一點頭，我就唔覺得點樣。之後我地向前走，剛剛離開礦場果陣，我好八卦咁望一望後面，正正見到頭先個工人戴番頂漁夫帽。

　　我嚇得轉番個頭返黎，低著頭走，我發覺周圍既草動聲愈覺明顯，見到阿乙都好慌張咁周圍望就知道佢都感覺到。我突然聽到有把男人聲：「你地明知有鬼仲黎做乜？」我加快左腳步，又聽到話：「我幾想趕鬼走，你地就黎惹鬼呀係咪？」佢把聲係一般男人聲咁低沉，講話果陣，係比人好憤怒既感覺。好快，我地就去返紅色佛字大石果度，不過，行返入大路之前，有個著住喪服既老年人霸住左條去路。

　　帶頭既阿乙都好似見到，我見佢窒左一窒，行又唔係，唔行又唔係，夾住中間果兩個女仔已經問做乜仲唔行？阿乙無答。跟住果下動作我唔會忘記：前面著住喪服既老年人慢企係起身，再零空飄起，雖然係離地數厘米，不過已經嚇到帶頭既阿乙騰騰震。我兩手按住果兩個女仔對眼，費事佢地見到，暈低都似。我按得好緊，佢地就係度掙紮，仲問究竟發生左咩事？我無理到佢地。我諗住前面條路已經比個老年「人」封住左，就實行行返去另外一個方向。點知，我一拎轉頭，就見到之前個男人正慢慢行近埋黎。

　　我而家先知，咩叫進退維谷，我地四人根本前後比「人」鎖死。我諗住捐入草叢度，不過草堆既草動聲依舊不斷，一入去，仲死多層。我諗果兩個女仔已經聽到草動聲，係咁問：咩聲呀？咩事呀？佢地係咁掙紮，我再按唔住佢地對眼，一鬆開手，即刻見到個老年「人」零空既情況，睇到眼都突，不過好在無暈到。果時，個老年「人」向阿乙窒下窒下咁飄緊埋黎，阿乙驚到仆低左。

　　由於前後都有「人」，於是我地被鎖住，有點坐以待弊既感覺。我當時個心係急到唔知想點。阿乙係前面仆低左之後，個老年人亦都逐漸飄緊過黎，我終於望個清楚，原來果個老年人就係阿婆！佢望實住阿乙，同時間我都望實住佢，佢塊臉唔知係咪長期比水浸過，皮膚皺到差唔多成朕要甩落黎咁擠，好恐怖。阿婆哄到阿乙好埋，一把好似就死既聲音同佢講：「上次又係咁，今次又係咁。明知有危險仲要主動提議咁夜上山做乜？」然後佢個孫仔，即係果個細路，就係草堆度捐出黎，一個搖搖車落佢塊臉度。阿乙個女友見到咁，想衝埋去護住阿乙，我一手扯住佢衫袖阻止佢，隻係話：「十字架！」

　　我突然間個身一軟，心諗係我後面果個「人」作怪，跟住發生乜野事已經唔記得。直至到唔知邊個遞個十字架比我，我將個十字架對住果個「人」，不過好似無乜作用，我試圖起一起身，用側邊樹木參扶，果個「人」退後左兩步，我用上次同樣既方法，不過今次用暖水撥落佢度，暖水撥左落地下，而果個「人」又退後，講左一句我聽唔明既話，之後走左。而另一方面，阿乙一早已經企係起身，不過成手都係泥，我見到個細路已經唔係度，個阿婆都已經行返去大路度，最終亦都唔見左。

　　我事後問阿乙點樣趕走佢地兩個，不過我一提起件事就黑唒口面，所以我無寫落本日記度。而我之後胃病，好多日無出過聲。後來既事都唔多講，直至現在。