[ 阿純小姐 , ,可以做我女朋友嗎 ? ]

我向聲音發出既方向望,原來係果個叫阿樂既男仔,頭先我聽錯嗎 ?

樂 :做我女朋友

佢再一次講,今次我確認冇聽錯,但今次我地先第一次見,呢d咁既花心公子,我好想鬧佢 ..不過我見到佢好深情咁望住我之後,竟然一句說話都講唔出 ...

樂 :可唔可以啊 ?

我 :你唔覺得好有問題?我地今日先第一次見咋

樂 :但我中意你啊

我 :唔好玩啦,第一次見咋我地 ...

樂 :我已經對你夠熟悉 ....嘉嘉成日係我面前講起你地出街果D趣事,有時連我自己都覺得好似同你出緊咁

我 :個問題係 ...我對你一D了解都冇

樂 :對唔住 ...可能係我太急啦 ...出去食野啦 ..


我呆左一下,之後就出左去燒野食 ...

而阿樂 ...佢呢一晚成晚都冇行過埋爐 ,,, 只係自己一個人坐埋一邊飲酒

唔知點解 ..我個心有D唔舒服

其實眾人都發覺到阿樂唔開心 ...只不過佢地都過問 ...

因為佢地都知道,會令佢唔開心既原因只有一個 ...就係阿純 ...

只不過阿樂都太放肆啦 .... 連續3個鐘都係度飲 ...紅酒白酒亂咁溝 ...仲一支接一支

睇到阿昕終於忍唔住行左過去 ...

昕 :阿樂

正所謂酒醉都仲有3分醒 ...何況呢幾年忙於應酬既阿樂 ...酒量可以稱得上 [ 千杯不醉 ]

樂 :阿昕"?做咩事呀 ..唔食野既

昕 :要食都一早食完啦 ...你知唔知自己坐左係度飲左幾耐呀?

樂 :時間重要咩 ..哈

昕 :唔好咁啦 ...你話過會好好接受架 ..做咩事又咁呀

樂 :都係我自己太急啦 ..累哂事喇

昕 :你對阿純做左d咩呀 ...佢番黎之後都怪怪地

樂 :我同佢講,,叫佢做我女朋友 ....原來 ..佢真係一d都唔記得我呀 ...

講完呢句 ...阿樂又拎起支酒黎飲 ...原本阿昕都想阻止佢 ...但見到佢眼紅紅,就知道今晚應該用酒精黎麻醉下

昕 :好 ...我陪你飲





嘉 :做咩咁耐都唔出聲呀

我 :邊有 ..

嘉 :係咪悶呀?同佢地唔岩玩"?

我 :唔係呀 ,,,佢地個個都好nice ..

嘉 :係咪阿樂蝦你呢 ?

我 :點解你咁 ...問呀?

嘉 :因為呢幾個鐘 ..你眼光都冇離開過佢呢個衰仔啊

我 :唔 ...唔係呀

嘉 :你係咪有野冇同我講呀 ...

我 :嘉嘉 ...我唔知點講呀

嘉 :究竟發生咩事呀 ..你地唔係第一次見咋咩?

我 :咪就係囉 ..但佢頭先竟然叫我做佢女朋友 ...又話因為你成日係佢面前講起我,所以都覺得對我好了解果d ..

嘉 :唔係呀嘛 .......

我 :我當然拒絕佢啦 ...但之後就見佢一直係度飲酒 ..我好擔心啊

嘉 :既然你都拒絕佢啦 ..點解仲要擔心佢呀?

我 :咁始終 ...都係我令佢咁唔開心 ...不過我更唔明白既係 ...我地只係見過一次,會有咁深既感情咩?

嘉 :感情呢樣野真係好難講 ...如果要係唔中意 ..你對住佢幾年又有咩用

我 :我知道 ..但 ....

嘉 :你對阿樂有咩感覺 ?

我 :我唔知啊 ...不過唔討厭佢囉 ....

結果我地全部人都飲醉哂 ...係阿樂間屋訓左 ...

到我第2朝醒左既時候 ...所有人都已經唔見哂 ...

應該係番哂工掛 ...我想搵洗手間果陣 ...咁岩見到阿樂

樂 :你醒啦

我 :嗯 ...

樂 :你想去洗手間 ?

我 :啊 ..係呀,但我唔識去

樂 :跟我黎

佢一手拖住左我上樓,我即刻甩開左 ...

我 :你唔好拖住我

樂 :你唔識去toilet嘛

我 :我自己識行去,你唔洗拖住我架"

樂 :哦 ...

佢一臉無辜既樣帶我到左樓上既洗手間 ...其實我都唔係太討厭佢,只不過唔想比希望佢

樂 :呢度就係喇,入面有新既牙刷同毛巾

我 :唔該

我梳洗完出到黎,見到佢仲企左係門口 ..我就以一個好不解既樣望住左佢

樂 :我驚你唔識路落番去嘛 ...

我 :哦 ...

其實佢都唔算太衰,同埋好似幾了解我,因為我係一個路痴 ...好采佢企左係度 ..如果唔係我又唔知用左幾多時間先落番去

樂 :我整左早餐呀,一齊食啊

我 :哦,都好 ...反正我而家冇野做


我地兩個都靜靜地咁享受呢個早餐 ...而且我開始覺得呢個阿樂並唔討厭 ...望住佢既側面...仲有幾分帥氣 ...
其實我都唔需要太介意佢尋晚講既野,一個有樣有錢既男仔,一定成日咁溝女架啦 ...

樂 :阿純,

我 :嗯?做咩呀?

樂 :對唔住,尋晚嚇親你

我 :哦,唔緊要啦 ...一覺訓醒我都唔記得哂咯

阿樂只係笑一笑,之後又接住問我

樂 :你覺得我個人點

不過我仲迷失係佢岩岩既笑容當中,冇留意到佢既問題 ...

樂 :阿純,你冇咩事嘛?

我 :冇冇冇,你頭先問我咩?

樂 :我問你覺得我個人點呀?

我 :講真,我識左你第2日 ...對你冇咩了解 ..如果就咁睇 ...um ... 一個有錢靚仔而溫柔既男仔囉

樂 :喔,我以為你覺得我唔靚仔添

我 :哈 ..拜託你唔好咁自大 ..雖然你真係有d樣貌

樂 :咁真係啊嘛 ..如果唔係你點會拒絕我呀?

我 :哎也,又係呢個問題 ....講真 ...我唔會因為你靚仔而同你一齊囉,ok?

呢一刻阿樂冇出聲,不過佢知道 ...就算阿純失左憶同以前都冇分別,都係咁與眾不同

我 :喂喂,我走啦 ..

樂 :我送你啊

我 :唔洗啦 ...我自己走得架啦

樂 :咁你自己小心d呀

我 :係,知道 ...

樂 :喂喂 ..

我 :嗯?

樂 :我可唔可以再搵你架

我 :你問嘉嘉拎我電話啦 ..拜拜