其實衣件事我一直都收埋收埋
因為係關於我好朋友[係最好戈個]
我唔知可以講俾邊個知  驚講左D人會覺得我係虛偽既人
但我唔係想講佢壞話  只係想發洩下

我同佢識左6年
但係近衣2年先開始好FD
平時係學校都係孖住咁
係好多人眼中  佢係一個蠢下蠢下  呆下呆下  好天真既女仔
而且佢生得唔差
不過其實機心都OK重  但我都接受到

機心邊個會冇丫
只要佢D機心唔係用係我身上就得

大部分時間同佢相處都OK開心
但有時佢硬係會做D野  搞到我個心那住那住
*****************************************************

1)
佢番學放學都會經MK  
但我如果要出MK  就一定要兜一大個圈先番到屋企
咁今日  我問我個另外個FD借左本書
我叫佢放學出MK順便幫我拎一拎  聽日番學俾我
但佢面有難色  如果佢係話  今日唔順路  趕時間 唔得閒  
我都會: 好啦  咁遲D先啦  由佢
但佢竟然話  好重  唔想拎...
我心諗  順路拎本書姐  有幾麻煩  有幾重

但其實衣件事都唔係太嚴重

2)
我上個月18歲生日
其實我都預左班FD會幫我搞個生日會
係唔知會點搞姐
到到戈日  其實都ok開心  
有個我好中意既公仔既大蛋糕  如埋一張頗為粗製濫造既生日卡
本身都冇咩
但後尾我發現,,,原來個蛋糕  由搵師傅整  拎去學校  什至係俾錢  全部都係由我男朋友一手包辦
但其實係我生日戈日搭正12點  我男朋友已經買左個生日蛋糕上尼俾我
姐係我生日  2個生日蛋糕都係我男朋友買
姐係我生日  我最好既朋友只係送左張粗製濫造既生日卡俾我
佢生日  前幾晚我打晒電話  同晒其他fd講要點幫佢慶祝
最後我地出左好多唔同地方  搵左好多唔同既人講生日快樂
錄低  整左段video俾佢
到到佢生日前一日  我放左學  由何文田蛋去大埔  買左隻300幾蚊  佢好中意既大公仔俾佢
佢生日戈日  我地請佢去唱k

我事後講笑咁講  點解得張生日卡架~[講笑而已]
佢話因為大家都冇錢
我心諗  佢生日戈陣夠個個都話冇錢  最後我咪俾多d  叫其他fd夾少d咁咋嘛
前前後後  佢生日我都用左二百幾
我唔係定期有零用  係我daddy中意就俾  所以佢生日前我都慳住食lunch  驚冇錢幫佢搞

我唔係話想貪佢d咩  我唔係期望佢會送番同等價值既野俾我
只係覺得,,,好唔開心
可能係我問題啦  但係我覺得連蛋糕錢都唔肯俾  好朋友,,,

3)
最近佢有個男仔追
我都有同佢傾過  佐佢聲明佢唔會中惹個男仔  因為佢有好多缺點
我信佢既  因為佢自己都唔係d好安定既人
姐係中意玩  3分鐘熱度
所以我都覺得佢係唔會咁快拍拖戈d
不過其實佢拍定唔拍我都會支持佢既

其實我平時好唔中意d女仔明明唔中意個男仔  但偏偏搞到曖曖昧昧咁
但佢偏偏就係咁  而且好多同學都開始話佢
所以我都有同佢傾
話如果你唔係中意  就唔好咁曖昧喇  人地會誤會
佢都話ok
但我唔覺得佢有改過  所以算啦  佢想點就點

但之後有件事  搞到我真係好唔開心
話說上個月一大班人去哈佬喂
係6 7個鐘入面  佢只係同我講過唔多過10句野
入鬼屋  佢永遠都痴住個男仔[或者係個男仔痴住佢啦]
出鬼屋  佢地又會肩並肩咁一路行一路傾
我試過幾次加入一齊傾  但最尾都會好自然咁俾人逼番出尼
我戈日真係好唔開心  我同同行既其他fd講
佢地都問番我:佢地係咪一齊左喇
我講衣句唔係想講我唔信佢  唔係想話佢呃住我拍拖
而且我依然深信佢唔會拍拖住
只係覺得  竟然普通朋友都咁覺得  佢會唔會曖昧得太過份

我之後都有同佢講  話戈日好唔開心
佢既回應係: 我唔識處理衣d問題  衣d關係
我再3問佢  佢係唔係真係唔會同個男仔一齊  佢話係
咁我就教佢  不如你地唔好2個單獨相處咁耐啦[因為佢地番學放學一齊  一齊去自修室  一齊去補習]
佢話好
但再一次  我依然見唔到佢有改,,,

唉  其實我真係唔介意佢拍拖
只係好驚如果佢拍拖  會唔會又好似哈佬喂戈日咁完全唔理我,,,

4)
話說我中七  係時候選科
每3個人有一本書可以參巧  我啦  我best fd  同t同學一組
但今日咁岩有本書係手戈t同學冇番
佢已經特登番學放左本書係樓下看更個位
佢叫我放左學落去拎  咁我話ok~
點知放左學落到去  本書俾另外個同學拎左
之後5日唔駛番學  姐係下一日要番學就係下個星期1
但係選科報名今個星期日會deadline
其實唔參巧本書都揀到科既  但冇咁詳細  分分鐘因為咁入唔到大學囉
咁俾你都炆啦  無啦啦俾人拎左d咁重要既野
我個fd佢問左想追佢個男仔借左本書  所以佢一直都冇出聲\
個男仔知道我本書俾人拎左  
就同我個fd講:不如你俾我戈本書俾xxx[my name]睇住先啦  你地遲d出尼叫佢俾番你囉  
我個fd話:  唔得呀  咁我都要用家嘛[我理解  所以我一d怪佢既意思都冇]
但由於我真係好不滿本野俾人拎左  所以我一直都好唔開心+好擔心
點知  我個fd竟然話: 其實你要本野尼做咩  本野都唔係好緊要姐  反正你都揀左d科啦
!!!!講真  戈下真係嬲  已經好不滿好唔開心好擔心  佢仲要咁講
冇本野係可以  我都真係揀定左d科
但冇得睇番d詳細資料  就唔知點排d排位架啦  大佬  大學呀  唔係填form拎獎品呀
既然你講到本野咁唔重要  咁不如你俾你手頭上戈本我啦!!
*****************************************************
唔知點解  雖然我地係孖公仔
但又唔會孖到成日痴住  純粹係學校
sms會成日有  但好少會出街玩
其實某程度上佢幾大小姐
姐係要人就佢  但就唔係好中意就人
不過有點我真係好唔中意
就係佢成日搵我做話題同個男仔傾
可能有時dead air好尷尬  但可唔可以唔好搵我尼講,,,
我知佢係真係當我朋友既
但可能佢朋友既定義,,,唔知啦



好啦  發洩完喇  呼~

[ 本帖最後由 KUBI__BE:] 於 2010-11-17 02:41 AM 編輯 ]

成功搶1. ;)
呼. -口- ~
終於睇晒. -v-
其實我同我個fD都係差唔多咁. o口o||
唔理人感受. -__-!

好感動  原來真係會有人睇晒
我純粹係發洩下,,,
唉  要識個真心知心朋友真係難

其實大家都有大家生活圈子, 開開心心咪得囉, 談到心既就係好朋友:)

就係談唔到,,,
我同佢講心事  佢唔明  
佢都唔會同我講心事
因為佢份人想做就做  冇拍拖又冇家庭問題
佢只會同我講是非  我只可以附和佢

佢做錯野  我勸佢  佢唔會聽
就算應承我會改  最後都會打回原形
但佢對我有咩意見  佢就要我跟佢意思做
唔係就會俾面色我睇: 是但你啦,,, 你中意啦,,, 冇野喇,,,

而且我好唔中意佢將我當做話題
俾我代入去佢度  我都絕對唔會係人面前搵佢做話題  搵佢講笑
就算唔係好朋友  係朋友既都唔應該咁做
係人地眼中可能以為我地好好朋友  成日都孖公仔咁痴住
但我純粹覺得佢只係為左係學校唔駛自己一個先成日同我痴埋一齊

唉  或者你未必明  有D野要親身經歷過先會明
姐係我唔係想佢咩都聽晒我講  咩都照住我意思做
但我最近只係覺得  佢既行為完全係我平時最唔中意既行為
但係佢既角色  佢同我既關係  搞到我唔可以唔中意佢  個感覺好怪好辛苦
而家都中七  讀多幾個月就完  我唔想衣個時候先搞到反晒面

我明呀, 我都有呢d朋友, 佢講是非個陣我都係笑下就算, 雖然知道佢係人背後係另外個樣, 但係冇所謂既, 朋友都分好多種, 唔一定要成日痴住先係真朋友啦, 或者你應該唔好咁在乎佢既缺點, 聽完就算笑下就算唔好咩?

重點不在講是非呢~= =
我唔介意佢講是非  係女仔都中意講中意聽架啦
#1我都講過我唔介意佢有機心  只要佢D機心唔用係我身上就得
不過而家佢竟然因為個男仔  搵我尼做話題
而且最嚴重既問題在於自從佢有男仔追之後  佢就變左我一向都最唔中意戈種女仔
明明唔中意人  又成日特登製造曖昧
同佢講過  如果唔係中意就唔會令人誤會  但佢唔聽
佢既身份令到我好迷  BEST FRIEND  唔可以因為咁而唔中意佢

"唔一定要成日痴住先係真朋友"只適用於男仔
身邊有幾多女性朋友唔係一堆堆行事? 連去廁所都要約埋一齊
成日痴住唔一定係真朋友  但係唔係成日痴住就一定只係普通朋友[對於女仔]

我一直都唔介意佢既缺點  而且係個POST我從來都冇提過我介意
只係我發現佢近排變左  戈D唔係佢不嬲既缺點  
而係突然間變左一個我唔中意既女仔
所以我先有咁多意見  
ANYWAY 多謝你既意見

首先如果以四件事黎睇,
都已經要上大學既,
唔多唔少性格都定晒格架啦~
同時妳果位「孖公仔」朋友的確係大小姐,
我唔知妳地雙方了解有幾多,
但係佢係四件事黎睇,(唔計平常既情況下)
明顯係無理其他人感受,
純粹用第一人稱既利益關係黎量度自己,
呢一種人最好就係有事唔好求佢,
同時預咗佢會不時提起佢記憶存在既資料用黎講"冷場"既話題。
有咁既心理建設,
妳對住佢會好過啲,
當然......唔多唔少會違反妳本身既原則,
話晒妳都開得呢一貼,
同埋文字性既表達方式,
應該都到忍無可忍既地步,
不過如果唔想改變現狀同佢既友誼,
容忍啦!

丫  係喇  就係咁喇!!!
除左忍我諗唔到有咩可以做
冇理由中七先搞到冇朋友做  撞口撞面咁家嘛
但係明明唔中意  但又唔可以唔中意既感覺好辛苦

佢以前唔係咁架[我覺得]  純粹係大小姐d  貪玩d  都冇咩
4件事入面  我覺得最難受就係有個男仔介入戈件事
自從個男仔開始追佢  佢就好似變晒咁
佢已經當左個男仔係佢男朋友[但佢聲稱自己絕對絕對唔會同佢一齊]
總之佢地既言行  除左冇拖冇錫  全部都係男女朋友先會做既野
我同佢講過n咁多次唔中意就唔好咁
首先  唔理個男仔會唔會誤會  搞到其他同學都憎佢都唔好啦
另外  你曖昧還曖昧  可唔可以理下我  意識下我既存在  唔好永遠都有佢冇我,,,

唔識講  總之衣排就係為緊衣件事唔開心左好耐
冇人可以傾訴
其實都未到忍無可忍既
只係覺得屈住屈住  好無助  好想講野
先打段千字文出尼-V-

[ 本帖最後由 KUBI__BE:] 於 2010-11-18 01:50 AM 編輯 ]

係我記憶上面,
有類似既事發生過,
話說有一位中學同學,
佢搵我等我放工出黎食野,
一開始佢身邊個Friend仲係女仔黎,
點知第二次黎搵我果時,
身邊果條友變咗男仔,
我同事仲話「你冇行啦~ 」
跟住一齊落去,
我記得個男既多次做出想攬個女仔條腰既事,
與此同時個女唔知係皮膚冇感覺定係真係咁冇知覺,
完全唔抗拒,
仲夠膽死話同事+普通朋友,
我即時彈佢一句「哦~普通既男性朋友,明既明既」
到食野果陣,
三條友坐一直線,
個女既坐中間,
做成一個"嬲"字,
然後果個男既仲多次伸隻手落我同學條腰度,
同樣冇俾反應。

雖然以上狀況同妳朋友果件有差別,
不過明顯係有一方想佔有對方,
同時另一方冇反抗,
妳唔會搵出問題所在,
但係好坦白心入面有答案,
只係妳覺得佢唔夠坦白,
問題係......「本少姐溝仔需要向妳匯報咩?」
我覺得佢有建立呢種思想不出為奇,
總之冇必要既唔好多問,
一問就出事啦~