星期日相睇

星期日即係太陽日，響古人眼中太陽係距離地球最近的星體，為大家帶來光同熱，係最重要的星體。太陽響占星上代表自我意識，所以響呢日相睇係最有利表現自己，呢日安排咩節目都ok，不過要留意呢日可以凸顯優點之餘，缺點亦好易現形，小心執生呀！

星期日對獅子座、白羊座同金牛座有利：獅子座朋友當日記住多著黃色同橙色的衣物，配合誇張d的打扮，潮流就潮流到底，高貴就高貴到底。白羊座朋友有利用鮮紅的打扮，例如紅色外套、紅色boot等等，風格的重點落響頭同面上，可以一試熱情同略帶誇張的打扮。最後金牛座朋友呢，著藍色同玫瑰色的服飾啦！以穩重典雅的打扮為主，最好著及膝裙同傘裙！

至於呢日唔係咁利的係水瓶座，不過都唔駛太擔心，只要多帶同淺藍色有關的物品，手巾呀、電話繩呀都可以改善運氣。


星期一相睇

星期一係月亮日，月亮本身唔會發光，只係反射太陽的光。月亮代表大家的內在情緒，受到月亮的影響，呢日會變得較為情緒化，好的係容易搵到投緣的對象，唔好係較缺乏理智！

響星期一較有利的星座分別係金牛座同巨蟹座，金牛座朋友可以睇返上面的打扮建議，至於巨蟹座朋友可以考慮藍色、灰色同白色的衣物，自然的打扮就最理想，千祈咪造作，攪咁多，稍作低胸打扮會有驚喜。

星期一對山羊座朋友就差D，可以用暗綠色或者棕色的衣飾改善下。


星期二相睇

星期二屬於火星日，外觀呈現火紅色的火星代表行動意志，呢日係活力最充沛的日子，安排一d彈彈跳跳，郁身郁勢的相睇活動(例如運動相睇團…)會比齋坐傾計的相睇好！

星期二對於白羊座、天蠍座同山羊座的朋友非常有利。白羊座朋友可以參考返星期日的打扮。天蠍座朋友可以揀深紅色的衣服，又或者配合蠍子的火紅形象，來個性感同神秘打扮，又可以考慮下帶有民族特色的打扮。山羊座朋友適合用黑色同棕色，端莊復古的打扮都唔錯，千祈咪著運動裝。

至於唔係咁利的係金牛座同天秤座，金牛座朋友可以用粉紅色同淺藍色的物品改善運氣；而天秤座朋友就用藍色同淡紫色。


星期三相睇

星期三係水星日，水星響各個行星之中轉得最快，響占星上有語言溝通的含意！呢日的最佳相睇地點係戲院，又或者去咖啡室傾一計都唔錯，但唔好去錯酒吧喎！因為有違水星的正面特質！

星期三有利的星座係雙子座、處女座同水瓶座。雙子座朋友最適合淡藍色同淺藍色的打扮，另外要攪個潮流人形象，仲可以善用染髮建立風格添！至於處女座朋友要多著淡青色、淺藍色的衫褲鞋襪，清純同簡簡單單的打扮就最能凸顯你的氣質。最後係水瓶座的朋友，要提升魅力可以著多d條紋同埋花碌碌的衣服，最緊要另類獨特、有自我風格的打扮。

至於星期三唔係咁利的星座分別係人馬座同雙魚座，人馬座的朋友可以用紫紅色改善運氣；而雙魚座的朋友就用湖水藍同綠色啦！


星期四相睇

星期四即係木星日，木星係最大的行星，含有擴張的意思，所以木星代表知性學習，如果揀呢日相睇可以考慮下去教堂、廟宇、大學校園，甚至一齊去聽下講座，又或者行下書店尤其係外國書屋都係個唔錯的安排。

星期四對於巨蟹座、人馬座同雙魚座的朋友非常有利。巨蟹座朋友即管返星期一的打扮，人馬座朋友用緋紅色同紫色可以更加突顯氣質，再配合埋活潑同運動型的打扮，又或者大膽d試下中性打扮。至於雙魚座朋友呢，提升魅力記得用淡紫色的服飾，同時亦可以試下可愛清新的少女打扮，不過又唔好攪到變老天真喎……

至於唔係咁好的係雙子座同處女座，雙子座可以用黃色同白色改善運氣；處女座朋友就用深藍色同灰色。


星期五相睇

星期五係金星日，金星發出淡淡的黃光睇落睇到痺，容易令人聯想到靚。金生代表社交同價值，所以呢日係最佳相睇日，食飯行街做咩都ok！

響星期五有利的星座分別係金牛座、天秤座同雙魚座。金牛座同雙魚座的朋友可以參考上面的資料，至於天秤座朋友呢，提升魅力的顏色以藍色同玫瑰色為重點，形象方面要以品味、清雅為打扮的重點，更加唔好孤寒露下條腰，不過男仔就唔駛…
至於較為差D的係白羊座同天蠍座，白羊座朋友用金黃色同寶藍色可以改善；而天蠍座朋友呢就要用褐紅色同黑色。


星期六相睇

星期六係土星日，土星係最冰冷同最硬的行星，響占星來說佢係一個帶有負面影響的星體。土星含有責任意識，想搵結婚對象又或者唔係諗住玩玩下的朋友記得用多d呢日啦！
星期六對天秤座、山羊座同水瓶座的朋友非常咁有利，打扮可以參考返上面。至於唔係咁好的就係巨蟹座同獅子座，巨蟹座朋友可以用綠色、銀色的物品；至於獅子座朋友就用金色同橙色啦！